اسلام آباد۔16اگست (اے پی پی): بنجاھی وزیر اھوالکاری ءُ شنگ کاری عطاء اللہ تارڑ ءَ گوشتگ کہ تحریک انصاف زالبول آنی واستہ تحریک نا انصاف جوڑ بوتگ۔ زالبول آناں اراسمنٹ کنگ اچ رنگ ءَ موہ کنگ نہ بیت۔ آدینگ ءِ روچ ءَ وتی بیان ءَ بنجاھی وزیر اھوالکاری ءَ قائمہ کمیٹی ءِ دیوان ءَ زالبول آناں لٹ ءُ کٹ کنگ ءِ واکیہ ءَ را مذمت کنان ءَ گوشتگ کہ تحریک انصاف اقبال آفریدی ءِ ھلاپ ءَ ایکشن بہ زور ائیت۔ آئیءَ گوشتگ کہ پیسر ءَ چہ مئے چاگرد ءِ زالبول باز سکی آں گوں دیم پہ دیم انت۔ اے تحریک انصاف ءِ لچڈی انت کہ دیم ءَ سہرا بوھگ ءَ انت۔ بنجاھی وزیر ءَ گوشتگ کہ انصاف ءِ لوٹ ھمیش انت کہ اے ارش ءِ پد ءَ اقبال آفریدی ءَ را پارٹی ءَ چہ کشگ بہ بیت ءُ آئی باسک بوھگ ءِ بستار ءَ را مھتل بہ بوتین انت۔
