اسلام آباد۔ 16 اگست (اے پی پی) پاکستان و ترکیہ نا نیام اٹ ہڑتوم آ کنڈآتا سیاسی سلابت نا ہفت می دیوان تدوک آ ہفتہ اسلام آباد اٹی مس۔ دفترخارجہ نا ترجمان ممتاز زہرہ بلوچ جمعہ نادے آ داڑے پریس حوال اٹی پارے کہ سیکرٹری خارجہ محمد سائرس سجاد قاضی دیوان اٹی پاکستانی ڈل انا کماشی ءِ کرے وخت اس کہ ترکیہ نا نائب وزیرخارجہ نوح یلماز ترکیہ نا ڈل انا کماشی ءِ کرے۔ ترجمان پارے کہ مذاکرات اٹی پاکستان و ترکیہ نا نیام اٹ ہڑتوم آ کنڈآتا کمکاری نا غٹ پلو آتے اوار کننگا، ہڑتوم آ فریق بڑزکو کہولی رابطہ غاتے سوگو کیرہ و ساڑی آ معاہدہ غاتے پورو وڑاٹ فعال کیرہ۔ اوپارے کہ فریق آک پاک۔ ترک اسٹریٹجک اکنامک فریم ورک ءِ اپ گریڈ کیرہ۔ اوپارے کہ او پارے کہ اوفک واپار و زرکاری، توانائی، سیکورٹی و دفاع ، انفارمیشن ٹیکنالوجی ، دودوربیدہ و سیل وسوات، تعلیم و قونصلر امور اٹی ہم کمکاری ءِ ودفرہ۔
