زالبول آتے زیزاریفنگ ءِ اسُل منپنہ، تحریک انصاف زالبول آتیکن تحریک نا انصاف جوڑ مسنے، عطاء اللہ تارڑ

اسلام آباد۔ 16 اگست (اے پی پی) بنجائی وزیر حوالکاری وشینکاری عطاء اللہ تارڑ پارینے کہ تحریک انصاف زالبول آتیکن تحریک ناانصاف جوڑ مسنے، زالبول آتے زیزاریفنگ و زدوکوب کننگ ءِ اسُل منپنہ۔ جمعہ نادے آ تینا بیان اٹی بنجائی وزیر حوالکاری قائمہ کمیٹی نا دیوان اٹی زالبول آتے زدوکوب کننگ نا واقعہ نا مذمت ءِ کرسا پارے کہ تحریک انصاف اقبال آفریدی نا برخلاف ایکشن ہلے۔ اوپارے کہ مہالو آن ننا معاشرہ ٹی زالبول آتے بھاز مشکل مون تروئی تمک، دا تحریک انصاف نا فسطائیت ءِ ہراداسہ مون آ بننگ ءِ۔ بنجائی وزیر پارے کہ انصاف نا خواست ءِ کہ دا جلہو آ اقبال آفریدی نا پارٹی رکنیت بایدے معطل مرے۔