اسلام آباد۔ 16 اگست (اے پی پی) پاکستان بھارت نا غیرکانودی وڑاٹ کوزہ ٹی جموں وکشمیر نا ضلع ڈوڈہ ٹی بھارتی فوجی تا دوتے اٹ چار کشمیری ورناتا خون نا ترندی اٹ مذمت ءِ کرینے۔ ترجمان دفترخارجہ ممتاز زہرہ بلوچ جمعہ نادے آ داڑے پریس حوال اٹی پارے کہ بھارتی کوزہ گیر کمامدارآتا دا وحشیانہ کارروائی کشمیری تا برخلاف بھارت نا غیرکانودی و جابرانہ کارروائی تا اسہ پین دروراسے۔ اوپارے کہ نن جہانی برادری آ زور شاغنہ کہ او بھارت ءِ تینا غیرکانودی وڑاٹ کوزہ ٹی جموں وکشمیر اٹی انسانی حق نا بھلا خلاف ورزی تیکن جوابدہ گوندنگ کن دمدستی وفیصلہ کن گام گیج کے و کشمیری الس نا حق و آجوئی تا رکھ اکن گام گیج کے۔ ترجمان پارے کہ پاکستان اقوام متحدہ نا سلامتی کونسل نا قرارداد آتا رداٹ جموں وکشمیر نا جھیڑہ نا انصاف و پرامن ایسری کن کشمیری تا سیاسی ، سفارتی و اخلاقی مخ تفی ءِ برجاتخک۔
