اسلام آباد۔ 16 اگست (اے پی پی) وزیراعظم محمد شہباز شریف نا پارت آ این ڈی ایم اے استور اٹی نوکاپی حالیت آتیان زہمی سیل و سواتی تے ریسکیو کننگ کن دمدستی ایکشن ہلک و نوکاپی ریلہ غان زہمی علاقہ ٹی درملکی سیل وسواتی تا رکھ مننگ نا رپورٹ ءِ پیش کننگا۔ جمعہ نادے آ وزیراعظم آفس نا میڈیا ونگ آن جاری بیان نا رداٹ رپورٹ اٹی پاننگانے کہ اِرا اطالوی و ارجنٹینا غان تعلق تخوک آ اسہ سیل وسواتی اس رکھ و زہمی علاقہ غان مرءُ، فینہ پول انا بحالی نا کاریم ترندی اٹ برجاءِ۔ این ڈی ایم اے و تعلقدار ادارہ غاک حالیت آتا جاچ ءِ ہلنگ ءُ و ہروڑنا ہلہلہ ئی حالیت آتیان تیار ءُ ۔ وزیراعظم پارت کرے کہ داہیت ءِ پک کننگے کہ سیل و سواتی و ہندی مخلوق ءِ فریشانی تتون مون تروئی تمپ۔
