لندن ۔15اگست (اے پی پی): تہی کارانی بنجاہی وزیر محسن نقوی ءَ برطانیہ ءِ ترءُتاب ءِ وہدءَ برطانوی ملکی وزیر ہمیش فالکنر ءَ گوں گندءُنندکتگ کہ آئی ءِ تہا دونیمگی ھدوناکی ءَ ہوار پاک برطانیہ دونیمگی سیادی ءَ را گیش کنگ ءِ سرءَ ھیال ءُ لیکہ ءِ درشانی کنگ بوتگ۔ برطانوی دری کارانی ملکی وزیر ءَ آجوہی ءِ روچءِ موہ ءَ تہی کارانی بنجاہی وزیر محسن نقوی ءُ پاکستانی راجءَ را مراد بات داتگ۔ گندءُ نندءِ تہا خطہءَ محکمیں امنءُایمنی ءُ ناشرکاری ءَ را ہلاس کنگءِ ھوالگءَ ہم گپ ءُ تران کنگ بوتگ۔ دوئیں وزیر آں امنءُ ایمنی ءُ محکمی ءِ ھاترءَ دونیمگی کمک ءَ راگیش کنگءِ ضلورتءِ سرءَ زور پِر داتگ۔ بنجاہی وزیر محسن نقوی ءَ گشتگ کہ مہ اوگان لڑءُ باری آناں آیانی ملک اوگانستان ءَواتر دیم دئیگءِ ھاترءَ دومی بہرءَ زوت بندات کناں۔ آئی ءَ گشتگ کہ پاکستان ناشرکاری ءَ چہ آماچ بوتگیں ملک اِت، پاکستان ءِ سکیورٹی فورس آں ناشرکاری ءِ حلاپ ءِ جنگءَ بازیں قربانی داتگ۔ آئی ءَ اے گپ ءِسرءَ زور پر داتگ کہ پاکستان امنءُایمنیں ملک اِت ءُ خطہ ءَ محکمیں امنءُ ایمنی ءِ وائشت مند ایں، پاکستان ءُ برطانیہ ءِ نیام ءَ راج دپتری دوستیں سیادی اَست۔ برطانوی دری کارانی ملکی وزیر ءَ پاکستان دولت مشترکہ ءِ حاسیں ملک اِت، ناشرکاری ءِ حلاپ جنگ ءَ پاکستان ءِ قربانی آناں من اَنت۔ پاکستانی ہائی کمشنر ڈاکٹر محمد فیصل ءُ برطانوی فارن ، کامن ویلتھ اینڈ ڈویلپمنٹ کارگسءِ مزنیں حکام ہم اے موہ ءَ ساڑی بوتگ اَنت۔
