کوئٹہ۔ 15 اگست (اے پی پی): سر وزیر بلوچستان میر سرفراز بگٹی پنچ شمبے ءِ روچ ءَ یک روچی تر ءُ تاب ءَ تربت ءَ پج اتگ، کمشنر مکران داؤد خلجی ، ڈپٹی کمشنر کیچ اسماعیل ابراھیم ءُ ایندگر کلانہ ایں کارندہ آں سر وزیر بلوچستان ءِ ائیر پورٹ ءَ وش اتک کت۔ سر وزیر بلوچستان ءِ ھمبراھی ءَ صوبائی وزیر میر ظہور بلیدی، بخت محمد کاکڑ باسک صوبائی اسمبلی مینا مجید، چیف سیکرٹری بلوچستان شکیل قادر خان ھم ساڑی ات۔ سر وزیر بلوچستان شہید ذاکر بلوچ ءِ گس ءَ اتکگ ءُ شہید ءِ پت ءُ کنر بلوچ ءَ گوں دلپدردیءِ درشان کتگ ءُ پاتیہ وانی کتگ ءُ شہید ءِ درجگ آنی برز ءُ بلندی ءِ وستہ دعا ءِ نیک کتگ۔ شہید ءِ پت ءُ سیاد ءُ وارس آں گوں تران کنان ءَ سر وزیر بلوچستان ءَ گوشتگ کہ شہید ذاکر بلوچ حکومت بلوچستان ءِ یک شاھوکاریں ورنا ئیں اپسرگ ءِ بوتگ۔ شہید ذاکر بلوچ ءِ قربانی وطن ءِ واستہ مادنیں کشک ات ایشرا اچبر بے ھیال کنگ نہ بیت۔ آئیءَ گوشت کہ شہید ءِ ھون اچبر مپت ءَ نہ روت۔ ملک ءُ راج ءِ واستہ جان آناں قربان کنوک مئے بامرد انت ، آئی ءَ گوشت کہ ذاکر بلوچ مدام مئے دل آنی توک ءَ زندگ ءُ نمیران بیت انت۔
