کوئٹہ۔ 15 اگست (اے پی پی) ڈپٹی چیئرمین سینیٹ آف پاکستان سیدال خان ناصر سول ہسپتال ٹراما سینٹر کوئٹہ غا ہنسا ریلوائی اسٹیشن کوئٹہ ٹی بمب دھماکہ غاتیان ٹھپی مروک آ بندغ آتا جان پڑسی ءِ کرے و اوفتے تروک آ طبی آسراتی تا جاچ ءِ ہلک اوڑتون اوار مسلم لیگ (ن) نا مرکزی سینئر راہشون ایڈووکیٹ فرید افغان، افرید ڈوگرایڈووکیٹ ، عبدالشکورکاکڑ، جاوید احمد خان، باقر خان غلزئی، خضر رلونی ئسک ہم ساڑی ئسر۔ ٹراما سینٹر نا انچارج ڈاکٹر کامران کاسی ڈپٹی چیئرمین سینیٹ ءِ ٹراما سینٹر اٹی بمب دھماکہ غاتا ٹھپی تے تروک آ آسراتی تا بارواٹی معلومدارکرے۔ داوخت آ ڈپٹی چیئرمین سینیٹ سیدال خان ناصر گپ وتران کرسا پارے کہ حکومت الس نا جان و مال انا رکھ ءِ پک کننگ نا عزم تخک و حکومت نا دا زمواری ءِ کہ او تینا شاری تے داوڑنا سانحہ غاتیٹی کمک فراوان کے۔ اوڈاکٹر آتے پارت کرے کہ بمب دھماکہ غاتا ٹھپی مروک آتے درمان نا گچین آسراتی تا فراوانی ءِ پک کننگے دا چرجوئی ٹی ڈیوالئی و لاپرواہی ءِ سگنگ پننگک۔ ڈپٹی چیئرمین سینیٹ اسٹ اسٹ آ ٹھپی تا جان پڑسی ءِ کرے و اوفتا زوت دراخ جوڑی کن دعاکرے۔
