اسلام آباد۔14اگست (اے پی پی): بنجاھی وزیر برائے صنعت ءُ پیداوار رانا تنویر حسین ءَ گوشتگ کہ وشھالی، ایمنی ءُ یک مشتی ءَ پاکستان ءِ واستہ کار کنگ لوٹ ائیت۔ وزارت صنعت ءُ پیداوار ءِ نیمگ ءَ جاڑی بوتگیں یوم آزاتی ءِ موہ ءَ وتی کلوہ ءَ بنجاھی وزیر برائے صنعت ءُ پیدوار رانا تنویر ءَ توامیں ماتیں وطن ءِ نندوک آناں یو آزاتی ءِ درگت ءَ مبارک بات دیان ءَ گ وشتگ کہ اے وطن پاک سرزمین مئے بزرگ آنی ٹوھیں قربانی آں چہ پد جوڑ بوتگ۔ مئے پیرین آنی قربانی آناں توسیپ ءُ ستا پیش کناں، وشھالی، ایمنی ءُ یک مشتیں پاکستان ءِ واستہ یکجائی ءَ کار کنگ لوٹ ائیت۔ آئی ءَ گوشت کہ ورنا اے ملک ءِ گران بھائیں مڈی انت۔ مارا درستاناں یکجائی ءَ یک راجے ءِ بستا ر ءَ اے جیڈھ آنی گوما دیم پہ دیمی کنگی انت۔ رانا تنویر حسین ءَ گوشت کہ انصاف ، یکوئی ءُ براتی ءِ شرپ آناں برجا دارگی انت۔ مارا درستاناں وتی بے دروریں راج ءِ روژنائیں باندات ءِ جوڑیشت ءِ وستہ یکجائی ءَ کار کنگ لوٹ ائیت۔
