پاکستان   ءَ را  قائداعظم   ءِ لیکہ آنی رد ءَ یک جمہوری  ءُ گہبودی  ریاست ءِ جوڑ  کناں،  شازیہ مری

کراچی۔ 14 اگست (اے پی پی):پاکستان پیپلزپارٹی   ءِ   ترجمان  شازیہ  مری  ءَ    ھپتاد ءُ ھشتمی  یوم آزاتی ءِ  روج  ءَ مبارک بات  دیان ءَ گوشتگ کہ  ما  اے سوگند ءَ کناں  کہ پاکستان    ءِ  جوڑیشت  کار  قائداعظم  محمد علی جناح  ءِ  لیکہ آنی رد ءَ یک جمہوری    ءُ گہبودی   ریاست ءِ جوڑ  کناں۔  آئیءَ وتی  کلوہ ءَ گیش  گوشت کہ  ما  وش  بھت آں  کہ اللہ پاک ءَ مارا   اے ملک داتگ، پاکستان  مئے  پجار انت ءُمئے  جان  ھم  ایشی ءِ سر ءَ قربان  انت، جمہوریت  ءُ   ھمکچ ءُ برابر ی   ملک ءِ جوڑیشت کار   ءِ واھشت  انت  ایشرا  ما  پیلو  کنگی  انت۔ شازیہ  مری ءَ گوشتگ کہ مرچیگیں روچ ءَ اے سوگند ءَکناں   کہ  اے رنگیں چاگرد ءِ جوڑ کناں   ھمودا  بنی آدم   ءِ شر ءُ  ازت  بہ  بیت،  پاکستان  بھر ءُ بانگ ءُ کسد ءُ کینگ ءِ   دیمپان  نہ انت، ایشرا ایمنی  ءِ  بنزہ  جوڑ کناں۔