اسلام آباد۔13اگست (اے پی پی):صدر مملکت آصف علی زرداری ءَ گوشتگ کہ پاکستان وت مہ وتی شوبگ آنی تہ ءَ دوستی ملک آنی گوما تجارتی ، اقتصادی ءُ سرمایہ کاری ءِ یکوئی آناں گیش برجم کنگ ءِ واھشت ائیگ انت۔ ایوان ءِ صدر ءِ پریس ونگ ءِ نیمگ ءَ جاڑی بوتگیں جار ءِ رد ءَ صدر مملکت ءَ اے ھیالانی درشانی آئی ءَ ویتنام ، مالدیپ ءُ آئرلینڈ ءِ سفیر آں گوں تران کنان ءَ کت آئی ءَ سئے شمبے ءِ روچ ءَ ایوان ءِ صدر ءَ آئی ءَ سفارتی مسل پیش کت۔ سفیر آں صدر مملکت ءَ گوں جتا جتائیں گند ءُ نند ھم کت۔ صدر ءَ سفیر آناں پاکستان ءَ پوسٹ بوھگ ءِ پد ءَ مبارک بات دیان ءَ گوشتگ کہ پاکستان توامیں دوستیں ملک آنی گوما دو نیمگی تجارتی کساس ءَ را ودینگ ءِ بابت ءَ دلگوش کنگ ءَ انت۔ آصف علی زرداری ءَ اے امیت سہرا کت کہ نامینتگیں سفیر پاکستانءِ گوما وت مہ وتی سیت مندیں کمک آںاں گیش گہتر کنگ ءَ وتی کرد ءَ را پیلو کنگ انت۔ صدر مملکت ءَ گوشتگ کہ پاکستان ءَ جتا جتائیں شوبگ آنی تہ ءَ سرمایہ کاری ءِ جوانیں موہ است انت۔ سرمایہ کار آناں کشت ءُ کشار، ھاٹیگ ، انفراسٹرکچر ، مینو فیکچرنگ ، انفارمیشن ، ٹیکنالوجی ، اشکر ءِ چات ءَ کار کنگ ءُ گرین ٹیکنالوجی ِ شوبگ ءَ سرمایہ کاری کنگ لوٹ ائیت۔ ایشی ءَ چہ پیسر، سفیر آناں ایوان ءِ صدر ءَ پجگ ءِ پد ءَ پاکستان ءِ سلاھ بندیں ارد آں گارڈ آف آنر پیش کت۔
