کوئٹہ۔ 13 اگست (اے پی پی) ڈپٹی کمشنر پنجگور شہید ذاکر بلوچ نا نماز ءِ جنازہ ءِ خواننگا۔ نماز ءِ جنازہ ٹی گورنر بلوچستان شیخ جعفرخان مندوخیل، وزیراعلیٰ میر سرفراز احمد بگٹی، کورکمانڈر 12 کور لیفٹیننٹ جنرل راحت نسیم احمد، صوبائی وزیر میر ضیاء اللہ لانگو، میرعاصم کرد گیلو، میر سلیم کھوسہ، حاجی میر علی مدد جتک، چیف سیکرٹری بلوچستان شکیل قادر خان، آئی جی پولیس بلوچستان عبدالخالق شیخ، کمشنر کوئٹہ ڈویژن محمد حمزہ شفقات، و اسمبلی نا باسک آتون اوار بڑزکو سول و فوجی کمامدارآک بشخ ہلکر۔ شہید نا میت ءِ پورو شرف اتون باوہ پیرہ آ علاقہ غا روانہ کننگا۔ یات سلے کہ سے شنبے نا شام (تدوک آدے) مستونگ نا علاقہ کھڈکوچہ نا ہند آ سلہہ بند بند غ آتا سم کاری ٹی ڈپٹی کمشنر پنجگور ذاکر علی بلوچ، ڈسٹرکٹ چیئرمین پنجگور و اسہ کسری اس ٹھپی مسوسس ، ذاکر علی بلوچ ہستپال اٹی ٹھپ آتا وس ءِ اتنگ کتو دنیا ءِ اِلا۔
