اسلام آباد۔ 13 اگست (اے پی پی) صدر مملکت آصف علی زرداری پاکستانی گوازی گر عامرخان ءِ تھائی لینڈ اٹی مروک آ 7 می تائیکوانڈو چیمپئن شپ اٹی طلائی تمغہ ءِ کٹنگ آ مبارکبادی ترساپارینے کہ گوازی نا پڑاٹی ورناتا لائخی تے مون آ اتنگ نا گرج ءِ۔ سے شنبے نادے آ ایوان ءِ صدر نا پریس ونگ آن جاری بیان نا رداٹ صدر مملکت تائیکوانڈونا مقابلہ ٹی شاندار کارکڑد آ عامرخان نا ستاءِ کرے۔ اوپارے کہ عامرخان شاندار ءُ گوازی اس نشان ترسا ملک وقوم انا پن ءِ روشناکرینے۔ صدر مملکت اومیت ظاہرکرے کہ عامر خان آخبت اٹ ہم گچین کارکڑد نشان ترسا کیک۔ آصف علی زرداری پارے کہ پاکستانی ورناک بے پناہ لائخی تخرہ۔ پاکستان اٹ چندی گوازی تیا چکار ومون آ دننگ نا گرج ءِ۔ صدر مملکت عامر خان نا آخبت کن نیک است خواہی نا درشانی ءِ ہم کرے۔
