کوئٹہ۔ 13 اگست (اے پی پی)سیکرٹری محکمہ دودوربیدہ نور احمد جوگیزئی پارینے کہ جشن آزادی ءِ شان و شرف اٹ اڈتننگک، شاریک قومی کہول آ پبی وڑاٹ جشن آزادی ٹی بشخ ہلیر تانکہ بلوچستان نا حقی دروشم ءِ دنیا ءِ نشان تننگ کیر، 14 اگست ءِ اڈتننگ نا مسخت امن، سیوت و ایلمی نا فضاءِ مون آ دروئی ءِ، داخیال آتا درشانی ءِ او ’’اے پی پی‘‘ تون گپ وتران کرسا کرے، سیکرٹری محکمہ دودوربیدہ نور احمد جوگیزئی پارینے کہ پاکستان نا آجوئی کن ننا باوہ و پیرہ بے پناہ قربانی تسنو داسہ ننے آ فرض ءِ کہ نن تینا ملک انا تشخص، بقاء و سلامتی کن ہروڑنا قربانی ایتن۔ اوپارے کہ خاص کر ورناتپہ ہرا ملک انا شونداری ٹی تینا پبی کڑد ءِ ادا کننگ کیرہ اوفتے مرے کہ ملکی شونداری ٹی تینا بشخ ءِ شاغر، پاکستان نا آبادی ٹی نیمہ ورناتیا تالانءِ داورناک آجوئی نااصل مسخت ءِ سرپند مرسا یوم آزادی نا دے ءِ تینے آن دا قول کیر کہ او راجی برائی تا برخلاف جہد کرسا وطن عزیز شونداری و شونہالی کن تینا لائخی تےکاریم اٹ اتیرہ انتئے کہ ہندا ہمو تپہ ءِ ہرا پاکستان ءِ شونداری و شونہالی نا کنڈآ درسا شون ہلوک ملک آتا صف اٹی سلفر۔
