کوئٹہ۔ 13 اگست (اے پی پی) گورنر بلوچستان شیخ جعفر خان مندوخیل پارینے کہ یوم آزادی پاکستان کن بھاز بھلو دے اسے ، بحیثیت پاکستانی ننے آجوئی نا انمول نعمت نا قدر ءِ کروئی مریک۔ داخیال آتا درشانی ءِ او 77 می آجوئی نا بابت اے پی پی تون خصوصی گپ وتران کرساکرے۔ گورنر بلوچستان شیخ جعفر خان مندوخیل پارے کہ 14 اگست یوم آزادی پاکستان نا تاریخ نا غٹ آن اہم دے ءِ دادے پاکستان ءِ جوڑ کننگ کن جہد کروک آ سرکڑدہ غاتا قربانی، خواری و جہد رنگ اس ایس۔ نن اللہ تعالیٰ نا شکر ءِ ادا کین کہ ننے غلامی آن نجات ترفے و 14اگست 1947ء نا دے پاکستانی تے غلامی آن نجات کن مقرر کرے اگہ پاکستان نا مسلمان تا موازنہ ءِ بھارت ایلو ملک ہراڑے مسلمان اقلیت اٹی ءُ، اوار کننگے تو ننے آجوئی نا نعمت نا حقی قدر بریک نن اینو آجو فضاٹی ساہ ہلنگ اُن سرکڑدہ غاتا جہد و قربانی تے قدر انا نظر اٹ ہُننگے۔
