اسلام آباد۔12اگست (اے پی پی): مزن وزیر محمد شہباز شریف ءَ گوشتگ کہ بلوچستان ءِ الس آنی گہبود حکومت ءِ اولی ترجی انت، بلوچستان ءِ ورنا آناں روزگار ءِ ھمگونگیں موہ پجاری ءِ واستہ گامگیج چست کنگ بوھگ ءَ انت، دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیانءِ رد ءَ مزن وزیر محمد شہباز شریف ءَ گوں صدر نیشنل پارٹی ڈاکٹر عبدالمالک بلوچ ءِ سروکی ءَ ڈل ءَ گوں گند ءُ نند ۔ ڈل ءَ سینیٹؑر جان محمد ءُ باسک راجی اسمبلی پلین بلوچ ھوار اتنت۔ گند ءُ نند ءَ صوبہ بلوچستان ءِ سیاسی ءُ ھواریں جاور ھال آنی ھوالگ ءَ ھیال ریچی کنگ بوت۔ مزن وزیر محمد شہباز شریف ءَ گوشت کہ بلوچستان ءِ الس آنی گہبود حکومت ءِ اولی ترجی انت۔ بلوچستان ءِ ورنا آناں روزگار ءِ ھمگونگیں موہ پجاری کنگ ءِ واستہ گامگیج چست کن بوھگ ءَ انت۔ ڈاکٹر عبدالمالک بلوچ ءَ بلوچستان ءِ کشت ءُکشاری ٹیوب ویل آناں سولر سسٹم ءِ سر ءَ شفٹ کنگ ءِ گامگیج ءِ پدءَ مزن وزیر ءِ شگر ءُ منت واری گپت۔ ڈاکٹر عبدالمالکءَ گوشت کہ کشت ءُ کشاری ٹیوب ویل آنی سولر آئزیشن ءِ بلوچستان ءِ دھکان آنی کوھنیں لوٹ پیلو بوتگ۔ اے رنگیں گامگیج بلوچستان ءِدیمروئی ءُ وشھالی ءِ نیمگ ءَ پازیٹیو رند پد ات۔ گند ءُ نند ءَ نائب مزن وزیر وزیر ءِ درئی کار اسحاق ڈار، بنجاھیوزیر کانود ءُ انصاف نذیر تارڑ ءُ مزن وزیر ءِ مشیر برائے سیاسی کار رانا ثنا ء اللہ ھم ساڑی ات۔
