پاکستان  ءُ  سعودی  عرب  ءِ   یکوئی بے درور انت،   امام  مسجد  نبویﷺ ءِ   تر ءُتاب ءَ چہ دوئیں ملک آنی  نیام ءَ یکوئی  گیش گہتر  بنت،  مزن وزیر محمد شہباز شریف

اسلام آباد۔11اگست  (اے پی پی): مزن وزیر  محمد  شہباز شریف  ءَ گوشتگ کہ پاکستان ءُ سعودی عرب  ءِ یکوئی بے درور  انت،  سعودی عرب  ءَ ھمک سکیں ساھت ءَ  پاکستانءِ گوما  ھمبراہ داری   کتگ۔  مئے سعودی عرب ءِ گوما  یکوئی باز   کوھن ا نت۔  امام  مسجد  نبویﷺ  ءِ  تر ءُ تاب ءَ چہ دوئیں ملک آنی  نیام ءَ یکوئی  گیش  گہتر ءُجوا ن  بنت۔   مزن وزیر    کارگس ءِ  پریس ونگ ءِ نیمگ ءَ جاڑی بوتگیں  یک شمبے  ءِ روچ ءَ جاڑی بوتگیں بیان ءِ رد ءَ  مزن وزیر    محمد  شہباز شریف      ءَ گوں امام   مسجد   نبویﷺ   ڈاکٹر  صلاح  محمد  البدیر ءَ گوں گند ءُ نند  کت ءُ خادم الحرمین  اشریفین  شاہ  سلمان  بن عبدالعزیز  آل  سعود    ءُ ایندگر سعودی  سروک آں  نیکیں واھشت آنی کلوہ  پجارینت۔  مزن وزیر ءَ امام   مسجد   نبویﷺ  ءَ گوں  تران  کنان ءَ گوشت  کہ    شمے   پاکستان ءِ  تر ءُ تاب   سک  باز  شرپ   ءُ ازت  انت  پما،   شمبے  تر ءُ تاب  ءَ چہ   دوئیں  ملک آنی  نیام ءَ  یکوئی  گیش  گہتر  بنت۔   گند ءُ  نند ءِ ساھت ءَ امام  مسجد   نبوی ﷺ  ءَ مزن وزیر ءَ را  خادم الحرمین   الشریفین  شاہ  سلمان   بن عبدالعزیز   آل  سعود ءُ ایندگر سعودی  سروک آنی  گوما  نیکیں واھشت آنی   کلوہ  پجارینت۔