کوئٹہ۔ 12 اگست (اے پی پی) وزیراعلیٰ بلوچستان میر سرفرازبگٹی وادی تیراہ ٹی خوارج اتون جھیڑہ ٹی شہید مروک آ لیفٹیننٹ عزیز محمود ملک ءِ خراج عقیدت پیش کرسا پارے کہ ملک و قوم انا سلامتی کن سیکورٹی فورس آتا بے مٹ قربانی تے اسُل است آن دننگ مفک۔ وزیراعلیٰ ہاؤس آن جاری کروک بیان اٹی وزیراعلیٰ بلوچستان میر سرفراز بگٹی پارےکہ شہید لیفٹیننٹ عزیز محمود ملک کون آ بہادر قوم انا گمر ءُ ہرافک بہادری اٹ خارجی دہشت گرد آتا مقابلہ ءِ کرسا 4 دہشت گرد آتے جہنم واصل کریر و شہیدی نا جام ءِ نوش کریر۔ میر سرفراز بگٹی پارے کہ دہشت گردی نا برخلاف جنگ بیرہ سیکورٹی فورس آتا آخا بلکن پاکستان نا ہربندغ نا جنگ ءِ غٹ ءِ اواری اٹ داجنگ اٹ تینا کڑد ءِ ادا کرسا پاکستان ءِ ہروڑنا دہشت گردی آن پاک کننگ کن فرنٹ لائن آ دا جنگ ءِ کروئی ءِ، ودہشت گرد آتے پیدوار کلہو تننگءِ کہ پاکستانی قوم تینا سیکورٹی فورس آتون ہم کوپہ سلوک ءِ۔ وزیراعلیٰ میر سرفراز بگٹی شہید لیفٹیننٹ عزیز محمود ملک نا درجہ غاتا بڑزی و پدسلوک آتا صبر وجمیل کن دعاکرے۔
