اسلام آباد۔ 12 اگست (اے پی پی) صدر مملکت آصف علی زرداری یوم آزادی نا وخت آ بندی تا سزاتیٹی 90 دے انا چھوٹ تننگ نا پڑو کرینے۔ دوشنبے نادے آایوان ءِ صدر نا پریس ونگ آن جاری بیان نا رداٹ صدر مملکت سزاتیٹی کمتی نا منظوری ءِ آئین نا آرٹیکل 45 نا رداٹ تسنے۔ سزاتیٹی کمتی نا اطلاق خون، جاسوسی، ریاست مخالف سرجزآتیٹی اوار بندی تیا مفک ۔ سزاتیٹی کمتی نا اطلاق زِنا، دُزی، داڑیلی، برمتہ، دہشت گردی ٹی سزایافتہ ڈوہدار تیا ہم مفک۔ سزا تیٹی کمتی نا اطلاق مالی ڈوہ، قومی خزانہ ءِ نسخان تروک آ ڈوہدار تیاہم مفک۔ سزاٹی کمتی نا اطلاق درملکی بندغ ایکٹ، 1946و منشیات کنٹرول (ترمیمی) ایکٹ 2022ء نا رداٹ سزایافتہ بندغ آتیا مفک۔ اسہ تہائی بندی کاٹ کروک آ 65 سال آن زیات وئی نا نرینہ بندی تیا سزاٹی کمتی نا اطلاق مریک۔ اسہ تہائی بندی کاٹ کروک آ 60 سال آن زیات وئی نا زالبول بندی تیا ہم سزاٹی کمتی نا اطلاق مریک۔ چناتتون زندان اٹی ساڑی زالبول بندی تیا ہم سزاٹی کمتی نا اطلاق مریک۔ اسہ تہائی سزا کاٹ کروک آ 18 سال آن کم وئی نا بندغ آتیا ہم سزاٹی کمتی نا اطلاق مریک۔
