اسلام آباد۔ 12 اگست (اے پی پی) بنجائی وزیر داخلہ محسن نقوی تون جمعیت علمائے پاکستان نا سیکرٹری جنرل اویس نورانی اوڑدہی کرے، ہراٹی تین پہ تینی است خواہی نا امور ، مذہبی ہم گرنچی و ایلمی ءِ مون آ دننگ آ گپ وتران مس۔ اوڑدہی ٹی ملک انا جم حالیت و بین المسالک سیوت و سخا غاہم گپ وتران مس۔ وزیرداخلہ محسن نقوی نا پاننگ ئس کہ جے یوپی مدام پاکستان نا ہیتءِ کرینے۔ پاکستان نا خاطر غٹ ءِ اسٹ مرسا مون آبروئی ءِ۔ مثبت سوچ و سخااٹ ملک ءِمین آن کشوئی ءِ۔ اوپارے کہ اینو وطن عزیز ءِ بے شمار چیلنج مون تروک ءِ، ننے دا چیلنج آتے وارخواہی تیٹی بدل کروئی ءِ۔ اویس نورانی پارے کہ ملک انا شونداری و شونہالی نا سفر اٹی نمتون تفوک اُن۔
