اسلام آباد۔ 12 اگست (ے پی پی) وزیراعظم نا کوآرڈی نیٹر ہیلتھ ڈاکٹر مختار احمد بھرتھ پارینے کہ لس بندغ اسکان جان جوڑی نا آسراتی تا رسینگ کن گچین گام گیج آتے پک کننگ انگ ءِ، اسلام آباد نا کچہ انگا آبادی تا ہنکینی تے طبی آسراتی تا فراوانی کن دوشنبے آن 17 اگست اسکان ہیلتھ کیمپس خلنگ انگ ءِ۔ دوشنبے نادے آ وزارت جان جوڑی آن جاری بیان نا رداٹ ڈاکٹر مختار احمد بھرتھ پارے کہ وزارت جان جوڑی اسلام آباد نا پسماندہ و کچہ انگا آبادی تسکان دراخ جوڑی نا آسراتی تسکان رسینگ کن بھاز انگا گام گیج آتے کننگ اٹی ءِ۔ اوپارےکہ وزارت جان جوڑی اسلام آباد نا کچہ انگا آبادی تا رہینگوک آتے جان جوڑی نا طبی آسراتی تا فراوانی کن دوشنبے آن ہیلتھ کیمپ آتا اڈتننگ نا بناءِ کننگانے۔ اوپارے کہ ہیلتھ کیمپ آتے 12 آن 17 اگست اسکان پسماندہ آبادی تا چندی ایریہ غاتیٹی اڈ تننگک۔ دوشنبے آ یونین کونسل بہارہ کہو۔ 2 و یونین کونسل میراجعفر G/11اٹی ہیلتھ کیمپ اڈتسنے۔ ہیلتھ کیمپ آتیٹی طبی عملہ طبی آسراتی تا فراوانی ءِ پک کننگ ءِ۔ اوپارے کہ لس بندغ اسکان جان جوڑی نا آسراتی تا رسینگ کن گچین گام گیج آتے پک کننگ ءِ۔ وزارت جان جوڑی طبی آسراتی تا فراوانی ءِ پک کننگ کن عملی گام گیج آتے پک کننگ اٹی ءِ۔ جان جوڑی نا بشخ اٹی آب اٹ طبی آسراتی تا فراوانی نا پکا عزم کرینن۔
