تینا اینوءِ قوم انا پگہ کن ندر کروک آ وطن نا بہادر گلزادہ غاتا خاہوت آتون سلوک اُن، محسن نقوی

اسلام آباد۔ 10 اگست (اے پی پی) بنجائی وزیر داخلہ محسن نقوی وادی تیرہ ٹی خارجی دہشت گرد اتون جھیڑہ غاتیٹی سیکورٹی فورس آتا شہید مروک آ 3 ورناتے خراج عقیدت پیش کرسا پارینے کہ تینا اینو ءِ قوم انا پگہ غا ندر کروک آ وطن نا بہادر گلزادہ غاتا خاہوت آتون سلوک اُن ، دہشت گردی نا برخلاف جنگ اٹی قوم پاک فوج اتون ہم کوپہ سلوک ءِ۔ ہفتہ نادے آ وزارت داخلہ نا کنڈآن جاری مذمتی بیان اٹی وزیرداخلہ محسن نقوی جام شہادت نوش کروک آ حوالدار انعام گل ، سپاہی محمد عمران و سپاہی الطاف خان نا خاہوت آتون ہمدردی و ہڑزخواہی نا درشانی ءِ کرسا پارے کہ سیکورٹی فورس آتا ورناک جیرت اٹ مقابلہ ءِ کرسا 4 خارجی دہشت گرد آتے عبرتناک انجام اسکان سرکریر۔ اوپارے کہ خارجی دہشت گرد آتا ناپاک عزم ءِ بےسہب کننگ اٹی شہید مروک آ سیکورٹی کارندہ غاتا بے مٹ قربانی تے سلام پیش کینہ، شہید کارندہ غاتا عظیم قربانی تے مدام یات تخنگک۔ محسن نقوی پارے کہ تینا اینو ءِ قوم انا پگہ غا ندر کروک آوطن نا بہادر گلزادہ غاتا خاہوت آتون سلوک اُن، دہشت گردی نا برخلاف جنگ اٹی قوم پاک فوج اتون ہم کوپہ سلوک ءِ۔