ارض وطن ءِ امن نا وت اس جوڑ کننگ اٹ ہروڑنا قربانی ایتنہ، عبدالعلیم خان

اسلام آباد۔ 10 اگست (اے پی پی) بنجائی وزیر  عبدالعلیم خان وادی تیرہ ٹی دہشت گرد آتا برخلاف آپریشن آ پاک فوج ءِ خراج تحسین پیش کرسا پارینے کہ ارض وطن ءِ امن نا وت اس جوڑ کننگ کن ہروڑنا قربانی ایتنہ، شہید آتا دترضرور رنگ اتیک، وطن دشمن زموار آک آخرکار بے سہب مریرہ۔ عبدالعلیم خان ہفتہ نادے آ ایکس آ تینا اسہ ٹویٹ اسے ٹی پارے کہ ورناتا بے درخ قربانی تیا گمر، پاک فوج انا شہید آک مچ آ قوم انا ہیروک ءُ، ارض وطن ءِ امن نا وت اس جوڑ کننگ کن ہروڑنا قربانی ایتنہ، شہید آتا دترضرور رنگ اتیک ، وطن دشمن زموارآک آخرکار بے سہب مریرہ۔ صدر آئی پی پی عبدالعلیم خان مستی پارے کہ نن نا تہاری ٹی لغوری کارروائی کروک آتون سختی اٹ مون تننگک، دہشت گردزموار و اوفتا کمکارآک ہچ ءُ رعایت اسے نا حقدار افس۔ بنجائی وزیر عبدالعلیم خان شہید آتا خاہوت آتون ہمدردی و اوفتے کن صبر وجمیل نا دعاہم کرے۔