صدر مملکت آصف علی زرداری نا پاکستانی ایتھلیٹ ارشد ندیم ءِ اولمپکس اٹی ریکارڈ کارکڑد آ ہلال امتیاز تننگ نا پارت

اسلام آباد۔ 10 اگست (اے پی پی) صدر مملکت آصف علی زرداری پاکستانی ایتھلیٹ ارشد ندیم ءِ اولمپکس اٹی ریکارڈ کارکڑد آ ہلال امتیاز تننگ نا پارت کرے۔ ایوان صدر پریس ونگ آن جاری بیان نا رداٹ صدر مملکت آصف علی زرداری  ارشدندیم ءِ گوازی نا پڑ اٹی نمان خذمت آتا امنائی ٹی خصوصی دود اسے ٹی سول ایوارڈ ایتک۔ صدر مملکت نا پارت آ ایوان ءِ صدر ارشد ندیم  ءِ سول ایوارڈ تننگ کن کابینہ ڈویژن ءِ چٹھی اس  مون تسنے۔ صدر مملکت آصف علی زرداری پارے کہ ارشد ندیم گچین کارکڑد آن گوازی نا پڑاٹی قوم انا کاٹم ءِ گمراٹ بڑزکرے۔ ایوان ءِ صدر نا کنڈآن نوشتہ کروک آ چٹھی ٹی پاننگانے کہ ارشد ندیم نا جہانی کہول آ شاندار سرسہبی قوم اکن گمر نا سوب مس، ارشد ندیم ایتھلیٹکس نا پڑاٹی ملک انا پن ءِ روشناکرے۔ صدر مملکت ارشد ندیم ءِ سول ایوارڈ آئین نا آرٹیکل (2)259نا رداٹ ایتک، آئین نا رداٹ صدر مملکت چندی بشخ آتیٹی خذمت آتا امنائی ٹی پاکستان نا شاری تے اعزاز تننگ کیک۔