اسلام آباد۔ 10 اگست (اے پی پی) صدر مملکت آصف علی زرداری وادی تیرہ نا ضلع خیبراٹی سیکورٹی فورس آتیا جلہو نا مذمت ءِ کرسا پارینے کہ مچ آ قوم دہشت گردی نا لعنت ءِ ماس کش کننگ کن سنبرینگوک ءُ۔ ہفتہ نادے آ ایوان صدر نا پریس ونگ آن جاری بیان نا رداٹ صدر مملکت آصف علی زرداری واقعہ ٹی سیکورٹی کارندہ غاتا شہیدی آ ہڑزخواہی و ٹھپی …
صدر مملکت آصف علی زرداری نا ضلع خیبراٹی سیکورٹی فورس آتیا جلہو نا مذمت
گیشتریں ھال
اسلام آباد۔ 10 اگست (اے پی پی) صدر مملکت آصف علی زرداری وادی تیرہ نا ضلع خیبراٹی سیکورٹی فورس آتیا جلہو نا مذمت ءِ کرسا پارینے کہ مچ آ قوم دہشت گردی نا لعنت ءِ ماس کش کننگ کن سنبرینگوک ءُ۔ ہفتہ نادے آ ایوان صدر نا پریس ونگ آن جاری بیان نا رداٹ صدر مملکت آصف علی زرداری واقعہ ٹی سیکورٹی کارندہ غاتا شہیدی آ ہڑزخواہی و ٹھپی تا زوت دراخ جوڑی کن دعاکرے۔ صدر مملکت لمہ وطن کن جون تے ندر کننگ آ شہید آتے سلام و حوالدار انعام گل، سپاہی محمد عمران و سپاہی الطاف خان ءِ خراج عقیدت پیش کرے۔ صدر مملکت فتنہ خوارج نا برخلاف کارروائی کننگ ودہشت گرد آتے جہنم واصل کننگ آ سیکورٹی فورس آتا خذمت آتا ستاءِ کرسا پارے کہ مچ آ قوم دہشت گردی نا لعنت ءِ ماس کش کننگ کن سنبرینگوک و سیکورٹی فورس آتون تفوک ءُ۔ صدر مملکت دہشت گردی نا برخلاف جنگ اٹی سیکورٹی فورس آتا قربانی تا ستاءِ کرے و دہشت گرد آتا برخلاف کارروائی تے برجاتخنگ نا عزم انا درشانی ءِ کرے۔ صدر مملکت آصف علی زرداری شہید آتا درجہ و اہل خاہوت کن صبر وجمیل نا دعاکرے۔
