اسلام آباد۔9اگست (اے پی پی):پاکستان ءِ تر ءُ تاب ءَ آیوکیںمسجد نبوی ﷺ ءِ امام ڈاکٹر شیخ صلاح بن محمد البدیر ءَ فیصل مسجد اسلام آباد ءَ آدینگءِ نماز ءِ امامت کت۔ آدینگ ءِ روچ ءِ نماز ءِ وانگ ءِواستہ بنجاھی دارالحکومت ءُ جاڑیں شہر راولپنڈی ءِ ہزارانی مردم آں مسجد نبوی ﷺ ءِ امام ڈاکٹر شیخ صلاح بن محمد البدیر ءِ پشت ءَ نماز ونت۔ اے موہءَ دعوۃ اکیڈمی ءُ فیصل مسجد انتظامیہ ءِ نیمگ ءَ چہ الس آنی آسراتی ءِ واستہ ھاسیں انتظامی کنگ بوتگ ات۔ نماز ءِ خطبہ ءَ ڈاکٹر شیخ صلاح بن محمد البدیر ءَ مسلمان آنی سر ءَزور پر داست کہ آ اللہ پاک ءِ سات ءَ را گوں مھکمی ءَ بگر اَنت ، دگنیا ءُ آخر زمان ءِ کامیاتی اللہ رب العز ت ءِ حکم آنی پیلو ئی ءُ نبی کریم ﷺ ءِ پد ءُ رندی ءَ چہ بوت کنت، ھداوند ءِ ھک ءُ بنی آدم آنی ھک ءِھیال داری ءَبکن اِت۔ اے موہءَ آئیءَ سرجمیں مسلمان آنی واستی ھاسیں دعا ءُ ھیر کت۔
