پیرس۔ 09 اگست (اے پی پی) نیدر لینڈز جرمنی ءِ پیرس اولمپکس گیمز اٹی نرینہ غاتا فیلڈ ہاکی ایونٹ نا فائنل اٹی شکست ترسا طلائی تمغہ اس کٹا۔ میچ انا فیصلہ پنالٹی شوٹ آؤٹ آ مس ، ہراڑآ نیدر لینڈز جرمنی ءِ 3-1گول اٹ شکست تس۔ پیرس اولمپکس گیمز 2024 اٹی مینز فیلڈ ہاکی ایونٹ برجاءِ ہراٹی شونقی تے بھاز دلچسپ و سخت مقابلہ ہُننگ کن ملنگ ءِ۔ نیدر لینڈ ز و جرمنی نا مینز ہاکی ٹیم تا نیام اٹ گوازی کروک آفائنل میچ اٹی ہڑتوم آٹیم تا نیام اٹ بھاز سخت مقابلہ مس مقررہ وخت اسکان ہڑتوم آ ٹیم تا نیام اٹ مقابلہ 1-1گول اٹ بریبر سلیس۔ ولے میچ انا فیصلہ کن جوڑ کننگ کن پنالٹی شوٹ آؤٹ کمپٹیشن مس ہراڑآ نیدر لینڈز انا ٹیم جرمنی ءِ اسٹ نا مقابلہ ٹی مسہ گول اٹ باترسا طلائی تمغہ ءِ کٹا۔ جرمنی چاندی نا تمغہ ءِ دوئی کرے۔ ایڑے کانسی نا تمغہ کن مروک آ میچ اٹی بھارتی ٹیم سپین ءِ 2-1گول اٹ شکست ترسا کانسی نا تمغہ ءِ کٹا۔
