اسلام آباد۔ 09 اگست (اے پی پی) ڈپٹی چیئرمین سینیٹ سیدال خان ناصر پیرس اولمپکس اٹی گولڈ میڈل ءِ کٹنگ آ پاکستانی ایتھلیٹ ارشد ندیم ءِ مبارکبادی تسنے۔ سینیٹ سیکرٹریٹ آن جاری بیان نا رداٹ سیدال خان ناصر پارے کہ ارشد ندیم آ مچ آقوم گمر کیک۔ ارشد ندیم نا کٹنگ مچ آ قوم انا سرسہبی ءِ۔ فائنل اٹی شاندار اولمپکس ریکارڈ اس جوڑ کننگ، مریس انگا جیولین تھرو کننگ بھلو کارنامہ اسے۔ پیرس اولمپکس اٹی پاکستان کن تمغہ ءِ کٹسا نی ننا کاٹم ءِ گمر اٹ بڑز کریس۔ اوپارےکہ ارشد ندیم اولمپکس کون آ بھلا مقابلہ ٹی پاکستان نا پن ءِ روشنا کرے۔ اللہ تعالیٰ ارشد ندیم ءِ آخبت اٹ پین سرسہبی ایتے۔
