پرائم منسٹر یوتھ پروگرام نا چیئرمین نا اولمپکس اٹی گولڈ میڈل ءِ کٹنگ آ پاکستانی ایتھلیٹ ارشد ندیم ءِ مبارکباد

اسلام آباد۔ 09 اگست (اے پی پی) پرائم منسٹر یوتھ پروگرام نا چیئرمین رانا مشہود احمد خان پیرس اولمپکس اٹی گولڈ میڈل ءِ کٹنگ آ پاکستانی ایتھلیٹ ارشد ندیم ءِ مبارکبادی تسنے۔ وزیراعظم آفس یوتھ افیئر زونگ آن جاری بیان نا رداٹ رانا مشہود احمد خان پارے کہ ارشد ندیم نی مچ آ قوم انا گمر اُس۔ ارشد ندیم نا کٹنگ مچ آ قوم اناکٹنگ ءِ۔ فائنل اٹی شاندار اولمپکس ریکارڈ جوڑ کننگ مریس جیولین ھرو کننگ بھلو کارنامہ اسے۔ اوپارے کہ ارشد ندیم اولمپکس کون آ بھلا مقابلہ ٹی پاکستان نا پن ءِ روشناکرے۔ اودعاکرے کہ اللہ تعالیٰ ارشد ندیم ءِ آخبت اٹ پین سرسہبی ایتے۔ اوپارےکہ پنجاب یوتھ فیسٹیول آن پیش تموک آ ٹیلنٹ اینو اولمپکس اٹی پاکستان نا پن ءِ روشنا کننگ اٹی ءِ۔