اسلام آباد۔ 09 اگست (اے پی پی) صدر مملکت آصف علی زرداری پیرس اولمپکس اٹی گولڈ میڈل ءِ کٹنگ آ پاکستانی ایتھلیٹ ارشد ندیم ءِ مبارکبادی ترساپارینے کہ فائنل اٹی شاندار اولمپکس ریکارڈ جوڑ کننگ و مریس فاصلہ غا جیولین تھروکننگ بھلو کارنامہ اسے ۔ جمعہ نادے آ ایوان ءِ صدر نا پریس ونگ آن جاری بیان نا رداٹ صدر مملکت ارشد ندیم ءِ مبارکبادی نا کلہو اٹی پارے کہ نی مچ آقوم انا گمراُس، ارشد ندیم نا کٹنگ مچ آ قوم انا سرسہبی ءِ۔ صدر پارے کہ پیرس اولمپکس اٹی پاکستان کن تمغہ ءِ کٹسا نی ننا کاٹم ءِ گمر اٹ بڑزکریس۔ صدر مملکت آصف علی زرداری پارے کہ ارشد ندیم اولمپکس کون آ بھلا مقابلہ ٹی پاکستان نا پن ءِ روشنا کرے ، اودعاکرے کہ اللہ تعالیٰ ارشد ندیم ءِ آخبت اٹ پین سرسہبی ایتے۔
