کراچی۔ 09 اگست (اے پی پی) پاکستان پیپلزپارٹی نا چیئرمین بلاول بھٹو زرداری اولمپکس اٹی جیولن تھرو نا مقابلہ غاتیٹی طلائی تمغہ ءِ کٹوک آ قومی ہیرو ارشد ندیم ءِ مبارکبادی تسنے۔ بلاول ہاؤس میڈیا سیل آن جاری اعلامیہ نا رداٹ بلاول بھٹو زرداری پارے کہ ارشد ندیم اولمپکس نا انفرادی مقابلہ غاتیٹی پاکستان کن تاریخ اٹ اولیکو طلائی تمغہ ءِ دوئی کرسا قوم انا کاٹم ءِ گمر اٹ بڑزکرے۔ اوپارے کہ اولمپکس اٹی جیولن تھرو نامقابلہ غاتیٹی ارشد ندیم نا 92.97 نا تھرو نا ریکارڈ سفت نا قابل ءِ۔ بلاول بھٹو زرداری پارے کہ پاکستان نا مار ارشد ندیم اولمپکس نا دنیا ٹی تاریخ اس نوشتہ کرے، قوم تینا ہیرو تون سلوک ءِ۔ اوپارے کہ اولمپیئن ارشدندیم ورناتیکن کسر نا ڈیوا ءِ، خواری و لگن اٹ منزل ءِ دوئی کننگ مریک۔
