اسلام آباد۔ 09 اگست (اے پی پی) بنجائی وزیر ڈٹ بندی، شونداری ،ا صلاحات و خصوصی گام گیج احسن اقبال پیرس اولمپکس اٹی گولڈ میڈل ءِ کٹنگ آ ایتھلیٹ ارشد ندیم ءِ مبارکبادی تس۔ جمعہ نادے آ وزارت ڈٹ بندی آن جاری بیان نا رداٹ احسن اقبال پارے کہ ارشد ندیم نا خواری وعزم مچ آدنیاٹی پاکستان نا کاٹم ءِ گمر اٹ بڑزکرے، دا تمغہ مچ آقوم اکن عظیم سرسہبی اسے، نن تینا ورناتیا گمر کینہ ہرا پاکستان نا روشنا آخبت ءُ۔ داکٹنگ پک کرینے کہ پاکستانی قوم کس اسے آن کم اف۔ اوپارے کہ ارشد ندیم نا سرسہبی ورناگوازی گرآتیکن کسر نا ڈیوا ءِ، دا کٹنگ بیرہ اسہ گوازی گراسے نا آخا بلکن مچ آ قوم انا کٹنگ ءِ۔ اونا پاننگ ئس کہ اولمپکس اٹی سرسہبی نا دا لمحہ پاکستان نا تاریخ اٹ روشنا لوز آتے اٹ نوشتہ کننگک۔
