اسلام آباد۔8اگست (اے پی پی): جتا جتائیں پگر ءَ گوں سیادی داروکیں شاہزانت ءُبلد کار آںی ٹوھیں راجی کنونشن پنچ شمبے ءِ روچ ءَکنونشن سنٹر ءَ برجم بوت ایشی ءَ چہ چاگرد ءِ کسد ءُ کینگ ءِ ھلاسی ءِ واستہ سرپد پیداک کنگ ءَ عالم آنی ارزشتی ایں کرد ءَ را توسیپ کنان ءَ عالم ءُ شاہزانت آنی سر ءَ زور پردات کہ آ بنیاتی اسلامتی شرپ ءُ ر ھبند آنی رد ءَ پروپیگنڈا ، دروگیں ھال ءُ ردیں مالومداری ءِ گر ءُ دار ءَ برجائی کرد ءِ پیلو بکن انت۔ مراگش ءِ ھاسیں مہمان مزن وزیر محمد شہباز شریف بوتگ وھدیکہ آرمی چیف جنرل سید عاصم منیر ھم ھاسیں مہمان ات۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ وتی گشتانک ءَ مزن وزیر محمد شہباز شریف ءَ اے گپ ءِ سر ءَ زور پرد ات کہ اسلام ایمنی ءِ دین انت ءُایمنی اسلام ءِ بنیات انت۔ ایش مارا رکھگ ءِ درس ءُ سبک ءَ دنت ءُ ناکہ جنگ ءُ چوپ کنگ ءِ ، ما اے اسلامی رھبند آناں مھکمی ءَ گوں پد ءُ رند کنگی انت۔ آئیءَ گوشت کہ پاکستان مھر ، یکوئی ءُ قبول بوھگ ءِ رھبند آنی سر ءَ برجا انت۔ مزن وزیر ءَ دلیریں سیکورٹی فورسز ءُ کانود ءِ برجا کنوکیں ادارگ آناں توسیپ ءُ ستا پیش کنان ءَ گوشتگکہ ما اے مردم آناںسلام پیش کنان ایش ماتیں وطن ءِ واستہ درستاں چہ گیش قربانی دیان ءَ راج ءِ رکھینگ ءِ واستہ ھمک روچ وتی جان آنی بیم آنی دیمپان کناں، ما وتی شہید آنی قربانی آنی شرپءُ ازت ءَکناں ایشاں ملکءِدیمپانی ءِ واستہ وتیجان آنی نزرانہ پیش کتگ۔ مزن وزیر ءَ عالم ءُ شاہزانت آنی سر ءَ زور پر داست کہ آ بنیاتی اسلامتی شرپ ءُ رھبند آنی رد ءَ دروگ ءُ بٹاک ءُ ردئیں ھال آنی گر ءُ دار ءَ جوانیں کرد ءِ پیلو بکن انت۔ وتی گشتانک ءَ آرمی چیف جنرل سید عاصم منیر ءَ گوشت کہ ما وتی سرزمین ءَ ناشرکاری ءِھلاسیءِواستہ جزمیگ آں ءُ یک مشت آں، ما جنگ ءُ چوپ ءُ بیم ءُ ترس ءَ را شنگ ءُتالان کنگ ءَ سگ ءُ اوپار نہ کناں۔ آءیءَ دروگیں لیکہ ھما کہ مارا بھر بھر کنگ ءِ کوشست ءَ کناں، بے دردی ءَ گوں کشت ءُھون ایشانی مولءُمراد مارا ایوک ءَ ترس ءُ بیم پیش دارگ ءُ جنگ ءُ چوپ بنی آدم آنی لگت مالی کنگ ءُ مئے جوزگ آناں پرشت ءُپروش کنگ ءِکوشست کنگ ءَ را مذمت کت۔ آرمی چف ءَ زور دات کہ بیا ات اے رنگیں پاکستان ءِ واستہ جہد کناں ھمودا کہ ھمک مردم ایمنی ءُ وشھالی ءِ گوما دیمروئی کت بکنت۔ ما یک راجے آں، یک السے آں ءُ مارا یکجا بوھگ ءُ ایشرا شرپ بکشاھگی اِنت۔ آئیءَ ایمنی، یکوئی ءُ ھواری ءَ را دیمروئی دیگ، کشاں چیل ءِ گپ آنی مقابلہ ءُ چاگرد ءُ کسد ءُ کینگ ءُ جنگ ءُ چوپ ءِ ھلاسیءِ واستہ سرپدی پیداک کنگءَ عالم آنی ٹوھیں کرد ءِ رتوسیپ کت۔ فورم ءَ یکجائی رنگ ءَ بھارت ءِ گیر کانود آوار جتگیں جموں کشمیر ءَکشمیری آنی ھلاپءَجاڑیگیں ظلم ءُ غزہ ءَ جاڑیگیں بنی آدم آنی لگت مالی ءِ ھوالگ ءَ جھلانکیں گم ءُ درد ءِ درشان کنان ءَ ایشرا بنی آدم آنی ھلاپ ءَ کرائم نامینت۔
