اسلام آباد۔8اگست (اے پی پی): مسلمان آنی استیں جیڈھ آنی گر ءُ دار ءِ واستہ مسلم ملک آنی نیام ءَ گیش یکوئی ءُ کمک ءِ ضلورت انت، صدر آصف علی زرداری ءَ مسلمان آنی استیں جیڈھ آنی گر ءُ دار ءِ واستہ مسلمان آنی نیام ءَ گیش یکوئیءِ ضلورت ءِ بابت ءَ زور پر داتگ ءُ گوشتگ کہ پاکستان ءُ سعودی عرب ءِ نیام ءَ یکجائی دل یکیم، تاریخ ءُ براتی آنی رد ءَ جوانیں یکوئی است۔ ایوان صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءَ اے ھیالانی درشانی آئی ءَ مسجد نبوی ﷺ ءِ مام ڈاکٹر صلاح بن محمد ءَ گوں تران کنان ءَ کت آئیءَ پنچ شمبے ءِ روچ ءَ ادا ایوان ءِ صدر ءَ آئی ءَ گوں گند ءُ نند کت۔ آئی ءَ دو نیمگی یکوئی آناں گیش دیمروئی دیگ ءِ پاکستان ءِجزم ءِ درشان کتگ ءُ گوشتگ کہ دوئیں براتیں ملک آنی نیام ءَ یکوئی گیش برجم بوھگ ءَ انت۔ صدر ءَ گوشت کہ دوئیں براتیں ملک آناں گیش نزیک آرگ ءِ واستہ دود ءُ ربیدگی نزیکی آرگ ءِواستہ دوست ءُ ربیدگی ءُ الس ءِ نیام ءَ دیمروئی دیگ ءِ ضلورت انت۔ صدر مملکت ءَ گوشت کہ سعودی عرب نزیکیں دوست ات، پاکستان مدام سعودی عرب ءِ گوما ھمگام ءَ اوشتاتگ۔ مسجد نبویﷺ ءِ امام ڈاکٹر صلاح بن محمد ءَ گوشت کہ سعودی عرب ءِ سروک ءُ الس پاکستان ءِ گوما یکوئی آناں باز شرپ ءُ ازت دینت۔ پاکستان ءُ سعودی عرب ءِ مھکمیں شریکداری است انت۔ آئی ءَ گوشت کہ دوئیں ملک آناں عالم اسلام ءِ استیں جیڈھ آنی گیواری ءِ واستہ یکجائی ءَکار کنگ لوٹ ائیت۔ ڈاکٹر صلاح بن محمد سعودی عرب ءِ دیمروئیءَ پاکستانی کمیونٹی ءِ کرد ءَ را ساڑات ءُ گوشت کہ شہزادہ محمد بن سلمان ءِ بندات کتگیں گہتری کار آں چہ سعودی عرب ءَ گیش دیمروئی ءُ وشھالی کئیت انت۔ صدر ممکت ءَ شہزادہ محمد بن سلمان ءِ دلیری ءُ دور گندی ءَ را ساڑات ءُ گوشت کہ امیت انت کہ مسجد بنویﷺ ءِ امام ءِ تر ءُ تاب ءَ چہ دو نیمگی یکوئی آناں گیش دیمروئی رسیت۔ مسجد نبویﷺ ء ِ امام ءَ اے موہءَ پاکستان ءِ سلامتی ءُ وشھالی ءِ واستہ دعا ءِ نیک کت۔
