اسلام آباد۔8اگست (اے پی پی): سینیٹءِ چیئرمین سید یوسف رضا گیلانی ءَ گشتگ کہ سرجمیں راج میجر طفیل محمد شہید نشان ِ حیدرءِ 66 می شہیدی روچءِ موہ ءَ آئی ءَ را د ادءُ سلام پیش کنت، راجءَ را وتی بہادریں شہیدءِ سرءَ پھر ایں۔ سینیٹ سیکرٹریٹ ءَ چہ شنگ بوتگیں بیان ءِ ردءَ اے ھیالانی درشانی آئیءَ پنچ شمبے ءِ روچءَ میجر طفیل محمد شہید(نشانِ حیدر) ءِ 66می شہیدی ءِ روچءَ وتی کلوہ ءِ تہا کتگ۔ سینیٹءِ چیئرمین سید یوسف رضا گیلانی ءَ میجر طفیل محمد شہید( نشان ِ حیدر) ءِ 66 می شہیدی ءِ روچءَ آئیءَ را دادءُ سلام پیش کتگ۔ آئی ءَ گشتگ کہ میجر طفیل محمد شہید نشان ِ حیدر ءَ 1958 ءَ دژمن ءِ حلاپءَ جراتءُ بہادری ءَ گوں جنگ کتگءُ وتی جان ندر کتگ۔ میجر طفیل محمد شہید ءِ بہادری ءِ بدل ءَ آئیءَ را ملک ءِ مستریں عسکری داد (نشانِ حیدر) دئیگ بوتگ۔ سینیٹ چئیرمین ءَ گشتگ کہ سرجمیں راج میجر طفیل محمد نشانِ حیدر ءَ را سلام پیش کنت۔ شہید آنی بے مٹیں قربانی آنی سوبءَ مرچی مہ آجوہیں چاگردءَ ساہ کشگءَ اَنت۔ راجءَ را وتی بہادریں بچّانی سرءَ پھر ایں۔ ماتیں وطن ءِ ھاترءَ پاک فوجءِ قربانی کدی ہم شموشگ نہ بنت۔ شہید آنی قربانی برات مہ براتی ءُ وطن دوستی ءِ درسءَ دئیاں۔ آئی ءَدعا کتگ کہ اللہ تعالیٰ میجر طفیل محمد شہیدءِ درجگاں مزن بہ کنت۔
