اسلام آباد۔8اگست (اے پی پی): مزن وزیر محمد شہباز شریف ءَ میجر طفیل محمد نشان ِ حیدر ءِ 66 می شہیاتءِ روچءِ موہ ءَ آئی ءَ را دادءُ سلام پیش کتگ ءُ گشتگ کہ میجر طفیل محمد شہیدءِ فرض زانتی، ہمت بہادری ءُ وطن ءِ رکینگءِ جزم ءِ درشانی ورناہ نسل ءِ ھاترءَ یک درور اِت۔ پنچ شمبےءِ روچءَ مزن وزیر کارگس ءِ میڈیا ونگءَ چہ شنگ بوتگیں بیان ءِ ردءَ مزن وزیرءَ گشتگ کہ میجر طفیل محمد شہید نشانِ حیدر ءَ جرات بہادری ءِ مزنیں درور جوڑ کتگءُ وطن ءِ رکینگ ءِ ھاترءَ شہید بوتگ۔ میجر طفیل محمد شہید نشانِ حیدر ءَ وتی ٹپانی پرواہ نہ کتگءُ وتی مشن ءَ را سرجم کتگءُ دژمن ءِ ناپاک مولءُ مراداں ناکام کتگ، میجر طفیل محمد شہید نشانِ حیدر ءِ فرض زانتی، ہمت ءُ بہادری ءُ وطن ءِ رکینگ ءِ جزم ءِ درشانی پہ ورناہ نسل ءِ ھاترءَ یک درورے۔ مزن وزیر ءَ گشتگ کہ منءَ ہوار سرجمیں راج ءَ را وتی شہید ءُ آیانی حاندان ءِ سرءَ پھر اِنت، پاکستانی راج پاکستانی فوجءِ ورناہ ءُ افسرآنی پہ اے ملک ءِ ھاترءَ داتگیں قربانی آں کدی ہم شموشت نہ کناں۔
