اسلام آباد۔8اگست (اے پی پی): راجی اسمبلی ءِ اسپیکر سردار ایاز صادق ءَ میجر طفیل محمد شہید ( نشان حیدر) ءِ 66 می شہادت ءِ روچءَ آئی ءَ را داد ءُ سلام پیش کتگءُ گشتگ کہ اے گپ ءِ تہا ایچ شک نیست کہ مہ وتی شہید آنی قربانی آنی وجہءَ آجوہیں چاگردءِ تہا ساہ کشگءَ اَں۔ پنچ شمبے ءِ روچ ءَ راجی اسمبلی سیکرٹریٹ ءَ چہ شنگ بوتگیں بیان ءِ ردءَ میجر طفیل محمد شہید ءِ 66 می شہید ی ءِ روچءِ موہ ءَ وتی کلوہ ءِ تہا اسپیکر ءَ گشتگ کہ میجر طفیل ءَ 1958 ءَ لکشمی پورءَ دژمن ءِ حلاپءَ گوں بہادری ءَ جنگ کتگءُ وتی جان ندر کتگ، آئی ءِ بے مٹیں بہادری ءِ بدل ءَ آئیءَ را ملک ءِ مزن تریں عسکری داد “نشان حیدر” دئیگ بوتگ، سرجمیں راج میجر طفیل محمد ءِ 66 می شہیدی ءِ روچءَ آئیءَ را دادءُ سلام پیش کنت، راج ءَ را وتی بہادریں بچّانی سرءَ پھر ایں۔ آئیءَ گشتگ کہ پاک فوج ءِ ماتیں وطن ءِ ھاترءَ داتگیں قربانی کدی ہم شموشگ نہ بنت، شہید آنی قربانی یکوئی، برات مہ براتی ءِ درسءَ دئیاں۔ اسپیکر ءَ اللہ تعالیٰ ءَ چہ شہید میجر طفیل محمد شہید ءِ درجگانی مزنی ءِ ھاترءَ دعا ہم کتگ۔
