اسلام آباد۔8اگست (اے پی پی): ملک مسترآصف علی زرداری ءَ ” نشان حیدر” ءِ داد وتی نام کنوک میجر طفیل محمد شہید ءِ 66 می شہادتءِ روچءِ موہءَ آئیءَ را داد ءُ سلام پیش کتگ۔ پنچ شمبے ءِ روچءَ ایوان صدر ءِ پریس ونگءَ چہ شنگ بوتگیں بیان ءِ ردءَ ملک مسترءَ گشتگ کہ راج ماتیں وطن ءِ دیمپانی کنگءِ ھاترءَ وتی جان ندر کنوکیں بہادریں بچ میجر طفیل محمد شہیدءَ را سلام پیش کنت۔ آئیءَ گشتگ کہ میجر طفیل محمد شہید ءَ بہادری ء َ گوں دژمن ءِ مقابلہ کتگءُ شہید بوتگ ءُ بہادری ءِ بے مٹیں داستان جوڑ کتگ۔ ملک مسترءَ گشتگ کہ سرجمیں راج ءَ را وتی شہید آنی سرءَ پھر ایں، پاکستانی راج وتی شہید آنی قربانی آں کدی ہم شموشت نہ کنت۔ ملک مستر آصف عل زرداری ءَ میجر طفیل محمد شہید ءِ درجگانی مزنی ءِ ھاترءَ دعا ہم کتگ۔
