اسلام آباد۔8اگست (اے پی پی): بنجاھی وزیر ھاٹیگ (پاور ڈویژن سرداسر اویس احمد خان لغاری ءَ گوشتگ کہ ھاٹیگ ء شوبگ ءَ گہتری آرگ ءَ آں، 20 ٹکی گہتری کارآنی بنگیج مزن وزیر شہباز شریف ءِ سروکی ءَ بوتگ۔ پنچ شمبے ءِ روچ ءَ مزن وزیر ءِ ھاسیں کمکار برائے ھاٹیگ محمد علی ءِ ھمبراھی ءَ پریس کانفرنس ءَ گوں گشتانک دیان ءَ آئیءَ گوشت کہ ھاٹیگ ءِ شوبگ معیشت ءِ سرین ءِ ھڈ ءِبستار ءَ انت ھمے واستہ اے شوبگ ءَ گہتری آرگ ءَ آں، مزن وزیر ءِ ویژن ءِ رد ءَ توامیں وزارت آناں یکجا بوھگ ءُ گہتری کار آناں پد ءُ رند کنگی انت۔ بنجاھی وزیر اویس لغاری ءَ گوشت کہ مزن وزیر ءِ حکم آنی رد ءَ ھاٹیگ ءِ شوبگ ءَ نیشنل ٹاسک فورس جوڑ کنگ بوتگ ، پاور سیکٹر ءَ گوں بندوکیں توامیں ادارگ ٹاسک فورس ءَ ھوار انت، نیشنل ٹاسک فورسس ھاٹیگ ءِ شوبگ ءَ گہتری ءِ توامیں بھر آنی سر ءَ چار ءُ تپاسی گرگ ءانت ءُ ما پاکستان ءَ را ھاٹیگ ءِ شوبگ ءَ یک جان سلامتیں شوبگ ءِ دیاں۔ اویس لغاری ءَ گوشت کہ ارچی زوت بوت کنگ ما چیز آناں شر بکناں، ھمینچوک زوت معیشت ءَ را گہتریں کشکے ءَ برت کناَ مزن وزیر ءِ ھاسیں کمکار برائے ھاٹیگ محمد علی ءَ گوشت کہ ما آئیپی پیز ءُ پیداواری کچ ءُ کساس ءِ جیڈھ آناں چار گ ءَ آں۔ نوں اے چارگی انت کہ توان ءِ پیداوار ی کچ ءُ کساس ءُ قیمت آنی اندر ءَ چتور کمی آرگ بہ بیت ءُ چتور حکومت ءُ کسٹومر آنی بڈ ءَ بار ءَ را کم کنگ بوت کنت۔ آئیءَ گوشت کہ ٹاسک فورس ءِ دیوان ھمک روچ ءِ بنیات ءَ بوھگ ءَ انت ایشی ءِ اندر ءَ دیمروئی گامگیج آنی ھوالگ ءَ الس آناں سرپد کنگ بیت۔
