اسلام آباد۔8اگست (اے پی پی):چیئرمین سینیٹ سید یوسف رضا گیلانی ءَ گوشتگ کہ پارلیمانی کار ءَ ورنا آنی بھر زور ی ناں ایوک ءَ ملکی سیت ءِ واستہ المی انت ، پاکستان ءِ 64 درسد آباتی ورنا آنی انت ایش ملکءِ ٹوھیں مڈی انت۔ سینیٹ انٹرنشپ پروگرام ورنا آناں پارلیمانی کار ءَ گوں بندوک کنگ ءِ و استہ یک ٹوھیں کار رپک ءِ پجاری کنت۔ اے ھیالانی درشانی آئی ءَ پنچ شمبے ءِ روچ ءَ سمرا انٹرنشپ پروگرام ءِ گڈی مراگش ءَ گوں گشتانک دیان ءَ کت۔ چیئرمین سینیٹ ءَ گوشتگ کہ سینیٹ سمرانٹرنشپ پروگرام ءِ سرجمی ءِ موہءَ اے مراگش ءَ گوں گشتانک کنگ منی واستہ شرپ ءِ گپ انت۔ ایوان بالا ایشی ءِ کمیٹی ءُ سیکرٹریٹ ءَ جوانیں کار کرد ءَ شمے درستاناں توسیپ ءُ ستا پیش کناں۔ آئیءَ گوشت کہ پارلیمانی کار ءَ ورنا آنی ھواری ناں ایوکءَ ارشتی انت بلکینگ ءَ ملکیسیت ءِ واستہ باز المی انت۔ پاکستان ءِ 64 درسد آباتی ورنا آنی ایش ملک ءِ جوانیں مڈی ءُ میراس انت۔ ورنا آنی تہ ءَ چاگردی مٹ ءُبدلی ءَ را دیم ءَ ودینگ ءِ ازم باز گیش انت۔ ورنا ئیں باھند آناں ملک ءِجمہوری کار ءَ ھوار کنگ ءَ چہ ادارگ آنا ں دیمروئی رسیت۔ آئی ءَ سینیٹ سیکرٹریٹ ءِ کوشست آناں ساڑات ءُ ایوان ءِ بالا ءِ کارندہ آناں توسیپءُ ستا پیش کت۔
