اسلام آباد۔7اگست (اے پی پی):وزیراعظم محمد شہباز شریف ءَ گوشتگ کہ انفارمیشن ٹیکنالوجی ءِ شوبگ ءِ گہتری ءُ ڈیجیٹائزیشن ءِ واستہ آیوکیں کار رھبند آنی پد ءُ رند کنگ بوھگ ءَ انت، مئے ویژن انت کہ ھمک مردم ءِ کرا سمارٹ فون، ھمک گس براڈ بینڈ انٹرنیٹ ءُ ھمک کاروبار ءَ کیو آر کوڈ ءِ آسراتی بہ بیت۔ آئیءَ اے ھیالانی درشانی چار شمبے ءِ روچ ءَ ادا جی ایس ایم ایسو سی ایشن ایشیا پیسفک ءِ سروک جولئین گورمین ءِ سروکی ءَ جی ایس ایم اے ءِ چار باسکی ڈل ءَ گوں تران کنان ءَ کت آئی ءَ مزن وزیر ءَ گوں گند ءُ نند کت۔ مزن وزیر ءَ ڈل ءَ گوں تران کنانءَ گوشت کہ پاکستان ٹیلی کمیونیکیشن ءُ انفارمیشن ٹیکنالوجی ءِ شنگ ءُ تالان ءِ ھوالگ ءَ اسلام آباد ءَ ڈیجیٹل نیشنل سمٹ ءِ برجائی جوانیں گپ ات۔ آئیءَ گوشت کہ ڈیجیٹلائزیشن ءِ ھوالگ ءَ گامگیج آں چہ جی ایس ایم ا ے ءِ بنیاتی ءُ ارزشتی ایں کرد ات۔ انفارمیشن ٹیکنالوجی ءِ شوبگ ءَ گہتری ءُ دیجیٹائزشین ءِ واستہ آیوکیں کار رھبند آنی پد ءَ پد ءُ رند بوھگ ءَ ازنت۔ آئیءَگوشت کہ الس مردم آناں انٹرنیشٹ ءِ پجاری ، ڈیجیٹل انفراسٹرکچر ءِ گہتری، ای – گورننس ، ورنا آناں ڈیجیٹل ءِ شوبگ ءِ دیمروئی ءِ ھوالگ ءَ بنجاھی حکومت ءَ اے مالی سال ءَ تاریخی دیمروئی بجٹ ءَ گیشینتگ۔ ملکی آئی ٹی برآمدات آنی تہءَ گیشی ءِ وستہ بنیاتی رد ءَ کار کنگ ءَ انت۔ آئی ءَ گوشت کہ مئے وژن انت کہ ھمک مردم ءِ کرا سمارٹ فون، ھمک گس ءَ براڈ بینڈ ءُ ھمک کاروبار ءِ واستہ کیو آر کوڈ ءِ آسراتی بہ بیت۔ ڈل ءَ مزن وزیر ءَ را پاکستان ءَ ھوار سرجمیں دگنیا ءَ ٹیلی کام سروس ء ِ دیمروئی ءِ ھوالگ ءَ جی ایس ایم اے ءِ کرد ءِ ھوالگ ءَ سرپد کت۔ گند ءُ نند ءَ وزیر ءِ مملکت برائے انفارمیشن ٹیکنالوجی ءُ ٹیلی کار شزا فاطمہ ، چیئرمین پاکستان لٹیلی کمیونیکیشز اتھارٹی میجر جنرل ر حفیظ الرحمن ءُ ایندگر سیادی داروکیں سرکاری اپسرگ ھم ساڑی اتنت۔
