اسلام آباد۔7اگست (اے پی پی): مزن وزیر محمد شہباز شریف ءَ گوشتگ کہ بلوچستان ءِ الس آنی دیمروئی ءُ وشھالی حکومت ءِ اولی ترجی آنی تہ ءَ ھوار انت، بلوچستان ءِ معدنی امبار آں چہ سیت چست کنگ ءِ ھوالگ ءَ چاغی منرل راہداری ءِ جوڑی کنگ بوھگ ءَ انت۔ چار شمبے ءَ مزن وزیر کارگس ءِ میڈیا ونگ ءِ رد ءَ جاڑی بوتگیں بیان ءِ رد ءَ مزن وزیر محمد شہباز شریف ءَ گوں پیسریگیں چیئرمین سینیٹ ءُ بلوچستان اسمبلی ءِ باسک صادق سنجرانی ءَ گون گند ءُ نند کت۔ اے موہ ءَ صوبہ بلوچستان ءِ جتا جتائیں جیڈھ آنی ھوالگ ءَ ھیال ریچی کنان ءَ کت۔ مزن وزیر ءَ گوشت کہ الس آنی دیمروئی ءُ وشھالی حکومت ءِ اولی ترجی آنی تہ ءَ ھوار انت۔ بلوچستان ءِ معدنی امبار آں چہ سیت چست کنگ ء ِ ھوالگ ءَ چاغی منرل راہداری ءِ جوڑی کنگ بوھگ ءَ ازنت، چاغی منرل راہداری ءَ بازیں منصوبگ چار ءُ بچار انت۔ آئیءَ گوشت کہ چاغی ءُ کش ءُ کرے دمگ آنی تہ ءَ منرل ءِ امبار آناں گوادر دکہ ءَ تاں پجاری ءِ وستہ گوادر دکہ ءَ تاں ریل گاڑی ءِ واستہ ریلوے لائن چیر گیجگ بہ بیت۔ چاغی ءَ توان سپلائی ءِ نظام گہتر جوڑ کنگ ءِ ھوالگ ءَ گرڈ سٹیشن جوڑ کنگ بوھگ ءَ انت۔ وھدیکہ دمگ ءَ آپ ءِ یک شلیں پجاری ءِ ھوالگ ءَ ھم گامگیج کنگ بوھگ ءَ انت۔ پیسریگیں چیئرمین سینیٹ ءَ بلوچستان ءِ دیمروئی ءُ وشھالی ءَ ھاسیں واھشت زورگ ءِ پد ءَ اے ھوالگ ءَ پکوئیں گامگیج آنی پد ءَ مزن وزیر ء شگر ءُ منت واری گپت۔ آئی ءَ مزن وزیر ءَ را نوکنڈی شہد ءِ دیمروئی ءِ ھوالگ ءَ نوکنڈی ماسٹر پلان ءِ گامگیج آنی ھوالگ ءَ بریفنگ دات۔
