پی آئی اے ءَ کوئٹہ ءَ چہ جدہ  گرابانی بندات کتگ، جارچین

اسلام آباد۔7اگست  (اے پی پی):پی آئی اے  ءَ کوئٹہ ءَ چہ جدہ ءِ ھاترءَ گرابانی بندات کتگ۔ پی آئی اے ءِ جارچین ءِ نیمگءَ چہ شنگ کتگیں بیان ءِ ردءَ ہفتگ ءِ تہا  دو گراب کوئٹہ ءَ چہ   تچک ءَ تچک جدہ ءَ رہادگ بنت، اے گراباں چہ عمرہ کنوکاناں آسراتی بیت۔ جنرل منیجر سیلز محمد شفیق ءَ گشتگ کہ اولی گراب پی کے 768 ءَ چہ  141 عمرہ کنوک جدہ ءِ ھاترءَ رہادگ   بوتگ اَنت، پی آئی اے وتی مسافر آناں سفری آسراتی دیئگ ءِ ھاترءَ گیش گامگیج کنت۔  گراباں چہ سعودی عرب ءَ روزگارءِ   ھاترءَ نندوکیں مردماناں ہم ملک ءَ واتری ءِ ھاترءَ تچک ءَ تچک سفری آسراتی رسیت، اولی  گراب ءِ عمرہ کنوکاناں  کوگورنر بلوچستان شیخ جعفرمندوخیل، جنرل مینجر سیلز پی ائی اے محمد شفیقءُ بلوچستان صوبائی اسمبلی ءِ باسکاں  راہ داتگ۔ گورنر بلوچستان ءَ گشتگ ہ پی آئی اے انتظامیہ ءِ کوئٹہ ءَچہ جدہ ءِ ھاترءَ  تچک ءَ تچک گراباں چہ بلوچستا ن ءِ اُلس آناں آسراتی رسیت، اے آسراتی ءِ دئیگ ءِ ھاترءَ پی آئی اے انتظامیہ ءِ کوشست لکھا ستاہ کرز اَنت۔ کوئٹہ بالی پڑءِ سرءَ بوتگیں مراگش ءَ پی آئی اے ءِ سوبمندی ءِ ھاترءَ حاسیں دعاہم کنگ بوتگ۔