اسلام آباد۔7اگست (اے پی پی): ملک مستر آصف علی زرداری ءَ دروگیں حال ءُ ردیں معلومد اری ءَ چہ شنگ بوہگءَ چہ دارگ ءِ ضلورتءِ سرءَ زور پر داتگ ءُ گشتگ کہ راستی ءِ چارءُ تپاسی ءُ معلومداری ءِ پکّہ کنگءِکچرءَ را گیش کنگ لوٹ ایت۔ ایوان صدر ءِ پریس ونگءَ چہ شنگ بیان ءِ ردءَ ملک مسترءَ اے ھیالانی درشانی پیمراءِ چیئرمین محمد سلیم ءَ گوں گپ ءُ تران کنانءَ کتگ۔ کہ آیاں چارشمبے ءِ روچءَ ایوان صدرءَ گندءُ نندکتگ۔ آئیءَ گشتگ کہ میڈیا معاشرہ ءِ تہا محکمی، اخلاقیاتءَ را گیش کنگءَ وتی کردءَ پیلو کنگءَ ہوار صحافت ءِ مزن تریں معیارءَ را برجم بہ داریت۔ ملک مستر ءَ گشتگ کہ جدید مواصلاتی ٹیکنالوجی ءِ سوب ءَ نوکیں جیڑہ ءُ جنجال اَست اَنت، آئیءَ گشتگ کہ دروگءُ ر دیں معلوم داری ءُ پندلانی حوالگءَ میڈیاءِ جوڑ کتگیں رھبندانی سرءَ عمل کنگ لوٹ ایت۔ ملک مسترءَ جدید ٹیکنالوجی ءُ زانت کاریں انسانی آسراتی ءَ چہ پیمرا ءِ گشاد کاری ءَ چہ گیش گہتر کنگءِ ضلورتءِ سرءَ زور پر داتگءُ گشتگ کہ میڈیا ملک ءِ جوانیں پجّار ءُ سماجی ءُ اقتصادی جیڑہءُ جنجالانی ہوالگءَ زانتءُ شعور بہ دنت۔ پیمرا ءِ چیئرمین ءَ ملک مسترءَ را میڈیا منظرنامگ ءِ ریگولیشن ءُ دیمروئیءِ تہا پیمرا ءِ کردءَ چہ سرپد کتگ۔ اے موہ ءَ پیمراءِ چیئرمین ءَ ملک مسترءَ را پیمرا رپورٹ 2021-23 ہم پیش کتگ۔ ملک مسترءَ گندءُ نندءِ تہا پیمرا ءَ را گیش محکم کنگءِ ھاترءَ وتی ہمراہ داری ءِ جزم کتگ۔
