اسلام آباد۔7اگست (اے پی پی): بنجاہی وزیر رانا تنویر حسین ءَ گوں پاکستان ءَ امریکہ ءِ سفیر ڈونلڈ ارمین بلوم ءَ گند ءُنند کتگ کہ آئیءِ تہا دونیمگی سیادی ءُ دونیمگی ھدوناکی ءِ سرءَ ھیالءُ لیکہ ءِدرشانی کنگ بوتگ۔ صنعت و پیداوار ءِ وزارت ءِ نیمگءَ چہ چارشمبے ءِ روچءَ شنگ بوتگیں بیان ءِ ردءَ بنجاہی وزیر ءَ گشتگ کہ پاکستان امریکہ ءِ گوما وتی شریداری ءَ را شرپ ءِ چما ں چاریت، ریسرچ اینڈ انڈومنٹ فنڈءِ تہا زرعی یونیورسٹی ءِ ھاترءَ امریکہ ءِ کمک ءَ را ساڑاہاں، امریکہ ءِ گوما کشتءُ کشاری کمک ءَ را محکم کنگ لوٹاں ، پیداوار گیش کنگءِ ھاترءَ زرعی ٹیکنالوجی ءَ را دیما آرگ المی ایں۔ رانا تنویر حسین ءَ گشتگ کہ نوکیں پاکستانی کشتءُ کشاری چیز آناں امریکی مارکیٹ ءَ سرکنگ بیت۔ ڈونلڈ بلوم ءَ گشتگ کہ پاکستان ءَ سماجی ءُ کشتءُ کشاری پڑءِ تہا کمک ءَ را برجاہ داراں، پاکستان ءَ یونیسیف ءِ گوما یکجاہ ہوار وردنءُ وراکی کمی پروگرام ءِ سرءَ کار کنگ ءَ اَں۔ پاکستان ءِ گوما زرعی پڑءَ کمگ گیش کنگ بیت، امریکہ کشتءُکشاری ءِ سرءَ موسمیاتی مٹءُ بدلی ءِ اثرآ ں چہ گرءُ دار کنگءِ ھاترءَ پاکستان ءِ کمک ءَ کنت۔
