اسلام آباد۔7اگست (اے پی پی): مزن وزیر محمد شہبا زشریف ءَ گشتگ کہ ھورانی موسم ءَ سرجمیں ملک ءَ دہہ کروڑ ءَ چہ گیش درچک کِشگ بیت، درچکاں چہ موسم ساپ بیت، موسمیاتی مٹءُ بدلی ءِ اثرآنی تہا کمی ءُ قدرتی جلواہ ناکی ءِ تہا گیشی بیت، قدرتءَ پاکستان ءَ را بے مٹیں نعمت ءُ حزانگ داتگ، مارا شپءُ روچ محنت کنگءُ اے نعمت آں چہ پائدگ چست کنگ لوٹ ایت۔ مزن وزیر ءَ چارشمبے ءِ روچءَ مزن وزیر گسءِ سبزگ جاہ ءَ نہالے کِشتگ ءُ ” درچک کِشگی ” گامگیج ءِ بندات کتگ۔ اے موہ ءَ مزن وزیر ءَ درچک کِشگی گامگیج ءِ ہوالگءَ شونست داتگ۔ مزن وزیر ءَ را حال دئیگ بوتگ کہ جون 2014 ءَ دو ارب 20 کروڑ درچک کِشگ بوتگ۔ اے موہ ءَ ھیالءُ لیکہ ءِ درشانی کتگءُ مزن وزیر ءَ گشتگ کہ مارا ھورآنی موسم ءَ درچک کِشگی گامگیج ءِ بندات کنگ ءَ اَنت۔ اے درچک کِشگی گامگیج ءِ تہا سرجمیں ملک ءَ دہہ کروڑ درچک کِشگ بنت، ایشی ءَ چہ پاکستان جلواہ ناک بیت ءُ موسمیاتی مٹءُبدلی بیت کہ ایشی ءَ پاکستان ءَ را 2022 ءَ آماچ کتگ بوتگ ، ایشی ءَ را گرءُدار کنگءَ کمک رسیت، ماحول ساپ بیت ءُ قدرتی جلواہ ناکی گیش بیت۔ مزن وزیرءَ گشتگ کہ ھورآنی موسم دل آناں وش کنوکیں موسم اِت کہ اے موسم دائم ءَ کندگءُ وشی ءِ کلوہ ءَ کاریت، ھورآں چہ گرمی ءِ ترندی کم بیت۔ مزن وزیرءَ گشتگ کہ اللہ تعالیٰ ءَ پاکستان ءَ را بے مٹیں نعمت داتگ، اے مئے سرءَ اَنت کہ مہ شپءُ روچ محنت بہ کن اَنت ءُ اے نعمت آں چہ پائدگ چست بہ کن اَنت ءُ اللہ پاک ءِ شکرءُ منتءَ بہ گرآں ۔ مزن وزیر ءَ گشتگ کہ ھورآنی موسم ءَ درچک کشگی گامگیج ءِ بنداتءِ موہ ءَ ہمگرنچیں حکام ءَ را مراد بات پیش کناں کہ ءُ اُ میت کناں کہ صوبائی حکومت آنی گوما یکجاہ ہوار بںءُ سرجمیں پاکستان ءَ بنجاہی حکومت ءُ زمہ وار یکجاہ بنت ءُ اے عظیم کارءِ تہا وتی کردءَ پیلو کناں ءُ پاکستان ءَ را گندءُ گسٹ ءَ چہ رکینگ ءِ ھاترءَ ءُ اے ملک ءَ را ڈولدار جوڑ کنگءِ ھاترءَ سرجمءَ وتی کِردءَ پیلو کناں۔ مزن وزیر ءَ گشتگ کہ ادا مئے زھگ ہم ساڑی اَنت کہ پاکستان ءِ روژنائیں بانداتءِ ضمانت اَنت، اے مزن بنت ، تعلیم حاصل کناں ءُ پاکستان ءِ دیمروئی ءَ وتی کردءَ پیلو کناں، زھگاناں وانگءُ زانگءَ ہوار ہنر مند جوڑ کناں تنکہ آ ملکءِ جوانیءَ ازمت ءَ بہ کن اَنت۔
