حکومت   ٹیلی کمیونیکیشن  ءِ شوبگ  ءِ دیمروئی  ءُ  شنگ ءُ تالان ءِ واستہ  واھشت ائیگ انت،  دور ءُ گستائیں دمگ آنی  تہءَ ترندیں موبائل  انٹرنیٹ   ءِ پجاری  ءِ واستہ  گامگیج  کنگ بوھگ   ءَ انت،  مزن وزیر شہباز شریف

اسلام آباد۔7اگست  (اے پی پی): مزن وزیر  محمد  شہباز شریف  ءَ گوشت  کہ حکومت  ٹیلی کمیونیکیشن   ءِ شوبگ ءِ دیمروئی  ءِ واستہ  واھشت ائیگ انت،  دور ءُ گستائیں دمگ آنی  تہ ءَ ترندیں موبائل  انٹرنیٹ ءِ پجاری ءِ واستہ گامگیج  کنگ بوھگ ءَ انت۔  چار شمبے ءَ  مزن وزیر کارگس  ءِ  میڈیا ونگ ءِ نیمگ ءَ جاڑی  بوتگیں  بیانءِ رد ءَ  مزن وزیر  شہبا ز شریف   ءَ گوں ممبر بورڈ   آف ڈائریکٹر  ز  وی آن  گروپ   سربرینڈن  لیوس ءِ سروکی ءَ وی  آن  گروپ  / جیز  ءِ ڈل ءَ گوں گند ءُ نند کت۔  مزن وزیر  ءَ اسلام آباد   ءَ  برجم بوھوکیں  ڈیجیٹل  نیشنل سمٹ ءَ شریکدار کنگ ءِ پد ءَ وی آن  گروپ  ءِ شگر ءُ منت واری  گپت۔  مزن وزیر   ءَ گوشت  کہ حکومت ملک ءَ ٹیلی کمیونیکیشن   ءِ شوبگ ءِ  دیمروئی  ءِ واستہ واھشت ائیگ انت۔  ملک ءِ  دور ءُ گستائیں دمگ   آنی  تہءَ ترندیں  موبائل  انٹرنیٹ  ءِ پجاری  ءِ واستہ گامگیج  چست  کنگ بوھگ   ءَ انت۔   آئیءَ  گوشت کہ وی آن  / جیز   گروپ   ءَ پاکستانی  معیشت  ءَ پازیٹیو   کرد  پیلو  کتگ۔ پاکستان ءَ ٹیلی کمیونیکیشن      ءِ شوبگ ءُ  رابطہ  آناں ودینگ ءَ  وی آن  / جیز  گروپ   ءِ کرد   سک باز ارزشتی بوتگ انت۔ ڈل ءَ  ڈیجیٹل   پاکستان اینیشٹو  ءَ  واھگ  دارگ ءِ   درشان  کت۔  ڈل   ءَ پاکستانی معیشت  ءَ را کیش لیس   جور  کنگ ءُ ڈیجیٹائز  کنگ ءِ   مزن وزیر ءِ ویژن  ءَ را ساڑات۔   گند ءُ نند ءَ وزیر ءِ مملکت  برائے  انفارمیشن  ٹیکنالوجی    ءُ  ٹیلی کام  شزا فاطمہ    خواجہ ءُ   سیادی داروکیں  کلانہ ایں اپسرگ  اے موہ ءَ ساڑی اتنت۔