اسلام آباد۔7اگست (اے پی پی): بنجاھی وزیر تہی کار محسن نقوی ءَ عراق ءِ سفیر حامد عباس لفتہ ءَ گوں گند ءُ نند کتگ آئی ءَ عراق ءَ روکیں پاکستانی زیارت کنو ک آں چہ پترگ ءِ ساھت ءَ پاسپورٹ پچ گرگ نہ بنت، اربعین ءِ موہ ءَ ٹریول ایجنٹ آنی مٹ ءُ عراقی سفارتخانہ ءِ نیمگ ءَ وت زیارت کنوک آناں ویزا جاڑ کنگ، اربعین ءِ کوٹہ ءَ گیشی ءُ ھاسیں بالیگ جہاز آنی بنگیج کنگ ءِھوالگ ءَ تپاک کنگ بوت۔ ترجمان وزارت تہی کار ءِ رد ءَ گند ءُ نند ءَ پیسلہ کنگ بوتگ کہ گوزوکیں سال ءَ گیش ویزہ جاڑ ی کنگ بوتگ۔ زیارت کنوک آناں گیش آسراتی پجاری ءِ واستہ کراچی ءَ عراقی قونصلیٹ ءَ را دوارگ اوپن کنگ ءِ واستہ مرچی ءَ چہ توامیں جیڈھ آناں گیوار کنگ ءِ بابت ءَ تپاک کنگ بوتگ۔ وزیر ءِ تہی کار محسن نقوی ءَ گوشتک کہ وزارت تہی کار اے رد ءَ ھمک رنگیں کمک پجاری کنگ بیت۔ اربعین ءِ موہ ءَ پاکستانی زیارت کنوک آنی واستہ ویزا فیس ھلاس کنگ ءِ واستہ وزیر ءِ تہی کار ءَ را وتی عراقی ھمکار ءَ گوں ٹیلی فون ءِ سر ءَ رابطہ کنت انت۔ گند ءُ نند ءَ عراق ءَ کیزیں پاکستانی آناں وطن واپسی ءِ ھوالگ ءَ ھم تران کنگ بوت۔ اے رد ءَ عراق ءِ ھمکار ءَ گوں ٹیلی فون ءِ سر ءَ رابطہ کنگ بیت۔ گند ءُ نند ءَ سیکرٹری تہی کار خرم علی آغا ءُ ءُ ایڈیشنل سیکرٹری رفعت مختار راجہ ھم ساڑی ات۔ بنجاھی وزیر تہی کار محسن نقوی ءَ زوتاں زوت بنجاھی وزیر ایوای ایشی خواجہ محمد آصف ءَ گو ں رابطہ کت ایشی ءِ اندر ءَ عراقی ائیر لائن ءَ مرچی ءَ چہ ھاسیں بالیگ چلائینگ ءِ اجازت دیگ ءِ بابت ءَ تپاک کنگ بوت۔ عراقی ائیر الائن ءَ را مرچی ءَ چہ بالیگ بال دیگ ءِ اجازت دیگ بیت۔ پی آئی اے ءِ ھم ھاسیں بالیگ عراق ءِ واستہ چلا ئینگ بیت۔ پکوئیں شیڈول باندات ءَ تاں جاڑی کنگ بنت۔
