گلگت بلتستان نا شونداری و شونہالی کن تینا وسیلہ غاتے کاریم اٹ اتینہ، انجینئر امیر مقام

اسلام آباد۔ 07 اگست (اے پی پی) بنجائی وزیر امور کشمیر و گلگت بلتستان و سیفران انجینئر امیر مقام پارینے کہ گلگت بلتستان نا ویل آتا ایسربنجائی حکومت نا اولیت ءِ، گلگت بلتستان نا شونداری و شونہالی کن تینا وسیلہ غاتے کاریم اٹ اتینہ۔ چارشنبے نادے آ برجاپریس ریلیز نا رداٹ بنجائی وزیر امور کشمیر و گلگت بلتستان و سیفران انجینئر امیر مقام نا کماشی ٹی گلگت بلتستان کونسل اٹی بڑزکو کہول نا دیوان اس اڈ ہلک۔ داوخت آ گپ وتران کرسا بنجائی وزیر انجینئر پارے کہ گلگت بلتستان نا ویل آتا ایسر بنجائی حکومت نا اولیت ءِ، گلگت بلتستان نا شونداری  و شونہالی کن تینا وسیلہ غاتے کاریم اٹ اتینہ۔ اوپارے کہ گلگت بلتستان اٹی دنیا نا بڑزکو سیل و سواتی ہند جوڑ مننگ نا بے پناہ لائخی ساڑی ءِ۔ گلگت بلتستان نا پوریاگر آتا ویل آتے جوانی اٹ ایسر کننگک، حکومت گلگت بلتستان ءِ خولم نا فراوانی نا ویل ءِ ایسر کرینے۔ اوپارے کہ گلگت بلتستان دنیا نا گچین سیل و سواتی ڈیہہ جوڑ مننگ کیک، گلگت بلتستان معدنیات نا دولت آن شپ ءِ، داصنعت ءِ مون آ دننگک۔