اسلام آباد۔ 07 اگست (اے پی پی) وزیراعظم نا کوآرڈی نیٹر قومی جان جوڑی ڈاکٹر ملک مختار احمد بھرتھ بلوچستان آن پدریسہ پولیو کیس آتا رپورٹ مننگ آ گڑتی نا درشانی ءِ کرسا پارینے کہ پولیو نا ساڑی گری ملک اٹی ہرچناکن خطرہ اسے و پولیو و ایلو ویکسین تا اہمیت ءِ تالان کیک، قلعہ عبداللہ ٹی 11تُو انا چناٹی پولیو دین پک مسنے۔ چارشنبے نادے آ وزارت جان جوڑی آن جاری بیان نا رداٹ ڈاکٹر ملک مختار احمد بھرتھ پارے کہ بلوچستان نا ضلع قلعہ عبداللہ ٹی اسہ 11تُوانا چناس پولیو دین آن معذور مسنے اوکان پد ملک اٹی برجاسال پولیو کیس آتا کچ 13مسنے۔ اوپارے کہ قومی ادارہ جان جوڑی ٹی جوڑ انسداد پولیو لیبارٹری نا رداٹ زہمی چناٹی معذوری نا علامت 17 جولائی آ پاش مس۔ اوپارے کہ بلوچستان آن پدریسہ پولیس کیس آتا رپورٹ مننگ گڑتی نا سوب ءِ۔ ڈاکٹر ملک مختار احمد بھرتھ پارے کہ پولیو نا ساڑی گری ملک اٹی ہر چناکن خطرہ اسے و پولیو ا ویلو ویکسین تا اہمیت ءِ تالان کیک۔ اوپارے کہ چناتے دا موذی مرض آن بچفنگ حکومت نا اولیت ءِ۔ نن صوبائی حکومت تون اواری اٹ کاریم کننگ اُن تانکہ صوبہ ٹی ویکسی نیشن نا کچ ءِ ودفنگ مرے وچناتیٹی داناجوڑی نا برخلاف قوت مدافعت ودی کننگ مرے۔
